Бурсия барои таҳсили ройгон дар донишгоҳу донишкадаҳои Русия

Фурсати дарёфти бурсияи таҳсилӣ барои дохил шудан ба мактабҳои олии Федератсияи Русияро аз даст надиҳед!

Намояндагонии "Россотрудничество" тавзеҳ дод, ки довталабон аз Тоҷикистон чӣ гуна метавонанд тибқи бурсияи таҳсилӣ ба донишгоҳҳои Русия дохил шаванд.

Ёдовар мешавем, ки рӯзи 7 октябр қабули дархости довталабон дар доираи бурсияҳои таҳсилии Ҳукумати Русия барои донишҷӯён аз Тоҷикистон оғоз шуд.

Барои гирифтани бурсияи таҳсилӣ ба довталабон анҷоми чунин иқдомот лозим аст:
сабти ном то рӯзи 15 январи соли 2025 дар вебсайти education-in-russia.com;
интихоби донишгоҳ ва барномаи таълимӣ;
ба таври онлайн пур кардани пурсишнома (замимаи акс, нусхаи скани шиноснома, санади таҳсил ё шаҳодатномаи давраи таҳсил);
гузаштани имтиҳоноти интихобӣ;
гирифтани роҳхат ба донишгоҳ.

Бояд гуфт, ки намояндагии "Россотрудничество" вазифаи муҷрии интихоби шаҳрвандони Ҷумҳурии Тоҷикистон барои дарёфти бурсиҳои таҳсилии Русияро иҷро мекунад.

Ҳамзамон довталабон метавонанд ба шабакаҳои иҷтимоии намояндагии "Россотрудничество" обуна шаванд, то аз маълумоти нав бехабар намонанд.

Рақамҳои телефонҳо барои тамос:
- дар ш.Душанбе (+992 37) 221-89-47
- дар ш.Хуҷанд (+992 34) 226-02-22
Дар баробари ин довталабон имкон доранд саволҳои худро ба почтаи электронии edu@tjk.rs.gov.ru ирсол намоянд.

Гуфтанист, Ҳукумати Федератсияи Русия барои соли таҳсили 2024-2025 барои Тоҷикистон 1 ҳазор бурсияи таҳсилӣ ҷудо кардааст.

Дар телеграм моро пайгирӣ кунед!
https://t.me/halvaTJnews