Донишомӯзони Тоҷикистон ба олимпиада дар “Сириус” даъват мешаванд

Рӯзҳои 20-24 октябр дар Русия дар қаламрави федералии “Сириус” Олимпиадаи байналмилалӣ вобаста ба тағйирёбии иқлим ва масъалаҳои экологӣ баргузор мешавад.

Мактаббачагон дар гурӯҳҳои иборат аз 5 нафар (14 - 18-сола) иштирок карда метавонанд. Танҳо як гурӯҳи донишҷӯён метавонанд як кишварро намояндагӣ кунанд.

Забонҳои расмии олимпиада русӣ ва англисӣ аст.
 
Олимпиада аз ду давраи назариявӣ (инфиродӣ ва дастаӣ) ва амалӣ (дастӣ) иборат аст.

Дар давраи санҷиши хаттӣ ҳамаи иштирокчиён ба луғатҳои англисии истилоҳоте, ки дар Олимпиада истифода мешаванд, дастрасӣ пайдо мекунанд.

Луғатҳоро роҳбарони дастаҳо аз рӯи шакле, ки бо тавсияи Кумитаи тадорукот пешниҳод шудаанд, аз қабл тартиб медиҳанд. Ҳаҷми луғатҳо аз 100−300 калима ва истилоҳот иборат аст, ки барои иштирокчиён ҷиҳати супоришҳо ва навиштани ҳалли масъалаҳо зарур аст.

Довталабон метавонанд дархостро дар вебсайти расмӣ (https://ioce.siriusolymp.ru/) то 30 сентябр пешниҳод кунанд.

Иштирокчиёнро на танҳо супоришҳои шавқовар, балки инчунин маърузаҳо, дарсҳои омӯзиши маҳорат ва саёҳат интизор аст.

Таъкид мешавад, ки ҷойи зист ва ғизо барои роҳбарони даста аз ҷониби кишвари мизбон, қаламрави федералии “Сириус” таъмин карда мешавад.

Созмондиҳандагони Олимпиада қаламрави федералии “Сириус”, Бунёди “Истеъдод ва муваффақият” ва Донишгоҳи илмӣ-технологии “Сириус” бо дастгирии Вазорати маорифи Федератсияи Русия мебошанд.

Тафсилоти бештар дар вебсайти олимпиада бо нишонии зерин: (https://ioce.siriusolymp.ru/about)

Дар телеграм моро пайгирӣ кунед!
https://t.me/halvaTJnews