Шаҳрвандони Тоҷикистон барои ширкат дар озмуни аккосии “Модару кӯдакон бо либосҳои миллӣ” даъват мешаванд

Бинобар иттилои «Россотрудничество», сокинони Тоҷикистон барои ширкат дар озмуни байналмилалии “Модар ва кӯдакон бо либосҳои миллӣ” даъват шудаанд.

 Иштирокчиён бояд бо либосҳои миллӣ акс гирифта, сипас дар сомонаи расмӣ ҷойгир кунанд. Ҳеҷ маҳдудияти синну солӣ барои ширкат дар озмун вуҷуд надорад. Муҳлати ирсоли аксҳо то 1-уми сентябри соли 2024 аст.

Ҳамонтавре, ки ташкилотчиён эълом карданд, озмун таҳти сарпарастии Комиссияи Федератсияи Русия оид ба умури ЮНЕСКО бо ҳимояти дастгирии Агентии федералии умури миллии Русия баргузор хоҳад шуд. Чорабинӣ барои намоиш додани тобиши миллии халқҳои Русия ва кишварҳои дӯсти хориҷӣ тарроҳӣ шудааст.

 “Иҷрои чорабиниҳои лоиҳаи мазкур бо ҳадафи кӯмак ба ҳифозати ҳуввияти миллӣ, фарҳангу суннатҳои мардуми Русия ва кишварҳои дӯсти хориҷӣ дар шароити афзоиши суръати ҷаҳонишавии ҷомеа аз тариқи либоси миллии модарону кӯдакон аст”, — хотирнишон карданд баргузоркунандагони озмун.

Илова мекунем, ки ин озмуни аккосӣ барои панҷумин бор баргузор мешавад.

Дар телеграм моро пайгирӣ кунед!
https://t.me/halvaTJnews