Тибқи гуфтаҳои масъулини мақомоти иҷроияи шаҳри Душанбе соли гузашта мутобиқи шартнома 10 автобуси дуошёна ва 50 адад автобуси тамғаи «AKIA» харидорӣ гардида, барои хидматрасонӣ вориди сайрхатҳои шаҳрӣ шуданд.

Ҳоло муовини раиси шаҳри Душанбе Ҷамшед Табарзода мегӯяд, ки 30 адад автобуси дигар низ дар ширкати мазкур банду баст гардида, барои истифодабарӣ омода мешаванд.

Гарчанде гардиши автобусҳо ва электробусҳо дар шаҳри Душанбе бештар шудааст, вале гоҳ-гоҳ шаҳрвандон аз дер расидан ва ё камбудии хадамоти нақлиётӣ шикоят доранд.

Масъулини шаҳрдорӣ мегӯянд, ки барои беҳтару осон шудани зиндагии пойтахтнишинон тавваҷуҳ доранд ва ин иқдом низ барои рафъи чолишҳои нақлиётӣ пешбинӣ шудааст.