Дар тамрингоҳи “Ҳарбмайдон”-и Тоҷикистон ҷаласаи фаврӣ бо ҳузури ҳайати фармондеҳии нерӯҳои дастаҷамъии зудамали минтақаи Осиёи Марказии СПАД баргузор шуд.

Аз 14 то 16 октябри соли ҷорӣ дар Тоҷикистон дар тамрингоҳи "Ҳарбмайдон" бо ҳайати фармондеҳии неруҳои дастаҷамъии зудамали Минтақаи амнияти дастаҷамъии Осиёи Марказӣ дар мавзӯи “Асосҳои омодагӣ ва гузаронидани амалиёти ҷангӣ барои нест кардани гурӯҳҳои мусаллаҳи ғайриқонунӣ, ки ба қаламрави яке аз аъзои СПАД таҷовуз кардаанд” баргузор шуд.

Дар ин бора маркази матбуоти СПАД хабар медиҳад.

Дар машқи мазкур намояндагони вазоратҳои дифои Қазоқистон, Қирғизистон, Русия, Тоҷикистон ва як гуруҳ афсарони Ситоди муштараки СПАД ширкат карданд.

Ҳадафҳои ин ҷаласаи муштарак таҳияи равишҳои ягона барои ташкили кори ҳайати фаврии мақомоти фармондеҳии неруҳои дастаҷамъии зудамали минтақаи Осиёи Марказӣ ба амалиёти ҷангӣ, такмили маҳорат ва таҷрибаи шахсони мансабдор, инчунин ҳамоҳангсозии фармондеҳӣ ва ситоди ин нерӯҳо дар остонаи марҳилаи фаъоли машқҳои муштараки «Марз-2024» аст, ки 17-21 октябр баргузор мешавад.

Иштирокчиёни ин ҷаласаи фаврӣ бо таҳлили чолиш ва таҳдидҳо дар минтақаи Осиёи Марказӣ, тавсияҳои амалӣ барои ташкил ва баргузории амалиёти ҷангӣ ва тамоюлҳои муосири истифодаи неру ва воситаҳои дифои ҳавоӣ, ҷанги электронӣ, ҳавопаймоҳои бесарнишин ва муқовимат ба онҳо шинос шуданд.

Фармондеҳон инчунин бо тамоюлҳои рушди воҳидҳои фармондеҳӣ ва идоракунӣ, хусусиятҳои истифодабарии неру ва воситаҳои неруҳои муҳандисӣ, воҳидҳои амнияти кимиёвӣ ва биологӣ ва ташкили таъминоти техникӣ ва моддии неруҳои вокуниши сареи минтақаи Осиёи марказӣ шинос шуданд.

Рӯзи 16 октябр бошад машқҳои ситод баргузор мешавад, ки дар ҷараёни он афсарони ҳайати фармондеҳии неруҳои дастаҷамъии зудамали Минтақаи амнияти дастаҷамъии Осиёи Марказӣ масъалаҳои банақшагирӣ ва омодагӣ ба амалиёти ҷангиро баррасӣ мекунанд.

Дар телеграм моро пайгирӣ кунед!
https://t.me/halvaTJnews