Ҷаноби Солеҳ мегӯяд, ки миллионҳо ҳамватанони мо талош доранд, ки аз режими бадном ва золими Толибон фирор кунанд.

Ба бовари Амруллоҳ Солеҳ агар матбуот озодии нисбӣ медошт, маълум мешуд, ки то имрӯз чӣ қадар тоҷирон, бахусус саррофон аз ҷониби раҳбарони Толибон рабуда шудаанд.

Толибон то кунун ҳеҷ навори тасвирӣ аз раҳбари худ нашр накардаанд ва мегӯянд, Мулло Ҳайбатуллоҳ дар вилояти Қандаҳор аст ва ба далели масъалаҳои амниятӣ аксҳои ӯро нашр намекунанд.

Қобили ёдоварист, ки соли гузашта низ хабари марги раҳбари Толибон нашр шуда буд, вале худи Толибон онро рад намуда, иддао карданд, ки раҳбари онҳо зинда аст.

Ин дар ҳолест, ки хабари марги Мулло Умар, бунёдгузори Толибон се сол пас аз маргаш нашр шуд ва дар ин се сол фармонҳо ва наворҳои савтӣ ба номи ӯ нашр мешуданд ва Толибон бар асоси он амал мекарданд.

*Толибон – ҳаракати террористии фаъолияташ мамнуъшуда аз ҷониби СММ