Хабарҳои асосӣ дар Тоҷикистон
Арзиши маҳсулоти ғизоии ниëзи аввал дар Тоҷикистон поëн рафтааст
Нашр шуд
Дар як ҳафтаи гузашта нархи се маҳсулоти ғизоии ниëзи аввал дар Тоҷикистон поëн рафтааст.
Ба гузориши хабаргузории расмии "Ховар", мушоҳидаи нархҳо дар 8 бозори Тоҷикистон нишон додааст, ки қимати баъзе маҳсулоти ғизоӣ, аз ҷумла орд, равған ва шакар дар муқоиса бо ҳафтаи гузашта поён рафтааст.
Гуфта мешавад, Барномаи ҷаҳонии озуқавории СММ (WFP) низ 25-уми август арзёбии ахири нархҳо дар Тоҷикистонро нашр кардааст, ки тибқи он қимати ин се маҳсулоти ниëзи аввал аз 1 то 3 дарсад коҳиш ëфтааст.
Манбаъ афзудааст, ҳоло қимати як кило орд дар Душанбе андаке бештар аз 7 сомонӣ аст, ки нисбат ба ҳафтаи гузашта се дарсад арзонтар мебошад. Дар аксари бозорҳои ноҳияҳо нархи як кило орд ҳудуди 6 сомонӣ аст. Нархи 5 литр равған, ки чанд ҳафта пеш 160 сомонӣ буд, ҳоло то 140 сомонӣ поён рафтааст.
Таъкид мегардад, ки сабаби коҳиши нархҳо расидани мавсими ҳосилғундорӣ ва афзоиши воридоти маҳсулоти ғизоӣ арзёбӣ мешавад.
Бояд гуфт, ки чанд соли охир Сарвари давлат Эмомалӣ Раҳмон бо ишора ба печида гардидани вазъи таъминоти аҳолии сайёра бо маводи ғизоӣ дар пайи нооромиҳо ва буҳронҳо аз мардуми кишвар даъват ба амал меорад, ки барои ду соли оянда маводи ғизоӣ захира намоянд.
Қаблан Вазорати кишоварзӣ аз афзоиши истеҳсоли маҳсулоти кишоварзӣ дар соли ҷорӣ дар кишвар хабар дода буд.
Хабарҳои ҷолибтарин дар телеграмм-канали Halva.tj
Маводи зиёдтарро дар гурӯҳи фейсбукии Halva.tj ва саҳифаи мо дар Instagram дарёфт намоед