Вазирони мудофиаи Тоҷикистон ва Қазоқистон сӯҳбати телефонӣ анҷом доданд.

Ба иттилои Хадамоти матбуоти Вазорати мудофиаи Қазоқистон, дар рафти сӯҳбат вазири мудофиаи Ҷумҳурии Қазоқистон генерал-лейтенант Нурлан Ермекбаев ва вазири мудофиаи Ҷумҳурии Тоҷикистон генерал-полковник Шералӣ Мирзо масъалаи вазъ дар ноҳияҳои воқеъ дар марзи Тоҷикистону Афғонистонро баррасӣ намуданд.

Ҳамчунин, масоили кӯмаки Қазоқистон ба Тоҷикистон ҷиҳати пешгирӣ намудани хатарҳои мавҷуда дар маркази диққат гузошта шуда, он пурра шарҳ дода нашудааст.

Дар баробари ин, роҳбарони Вазорати мудофиаи ин ду кишвар дар атрофи ҷаласаи ояндаи вазирони мудофиаи давлатҳои узви СҲШ, ки дар шаҳри Душанбе сурат мегирад, мубодилаи афкор намуданд.