Дар чаҳорчӯби тарҳи “Устодони забони русӣ” Владимир Мисюкевич, аспиранти Донишкадаи давлатии забони русии ба номи Пушкин тӯли як моҳ ба кормандони Вазорати дифои Тоҷикистон аз забони русӣ дарс додааст. Дар ин бора намояндагии "Россотрудничество" дар Тоҷикистон хабар дод.

Ба гуфтаи худи иштирокчии лоиҳаи башардӯстона, ин кор, ки бо мусоидати кордори низомии сафорати Русия дар Тоҷикистон роҳандозӣ шуд, ки барои ӯ низ бениҳоят муфид буд. Владимир ният дорад фаъолияти омӯзгории худро дар донишгоҳи зодгоҳаш идома диҳад ва ҳамакнун дар таълими забони русӣ таҷрибаи нодир касб кард.

Донишҷӯёни курсҳои Владимир Мисюкевич кормандони низомии дорои сатҳи мухталифи забондонӣ. Барои баъзеҳо ин сатҳи ибтидоӣ буд, дар ҳоле ки дигарон барои муошират бо ҳамкасбони рус ба омӯзиши пешрафта ниёз доштанд. Инчунин дар ин давраҳои омӯзиши забони русӣ истилоҳоти низомӣ низ барои кормандони Вазорати дифои Тоҷикистон омӯзонида шуд.

Бояд гуфт, ки лоиҳаи «Устодони забони русӣ» аз ҷониби "Россотрудничество" ва Донишгоҳи давлатии забоншиносии Маскав ташкил карда шудааст. Бар асоси натоиҷи ҳамаи марҳилаҳои озмун 30 нафар ғолибон интихоб шуданд, ки таҷрибаомӯзиро дар 12 кишвари ҷаҳон анҷом додаанд.

Хотиррасон мекунем, ки ахиран Барномаи байналмилалии ризокорони “Сафирони забони русӣ дар ҷаҳон” дар вилояти Суғди Тоҷикистон оғоз шуд.

Дар доираи он тӯли як ҳафта 14 нафар ризокорон дар мактабҳои шаҳри Хуҷанд ва ноҳияи Бобоҷон Ғафурови вилояти Суғд дарсҳои забони русӣ, таърих ва фарҳанги Русия ва дарси маҳорат мегузаронанд.