Хабарҳои асосӣ дар Тоҷикистон
Бонки Осиёии Рушд барои ҳифзи саломатии модару кӯдак дар Тоҷикистон 30 млн доллар ҷудо мекунад
Нашр шуд
Бо харҷи гранти БОР дар навоҳии Айнӣ, Дарвоз ва Данғара таваллудхонаҳои муосир бунёд хоҳанд шуд.
Бонки Осиёии Рушд қарори ҷудо кардани 30 миллион доллар кумаки бебозгашт барои беҳбуди хадамоти беҳдоштии модару кӯдак дар Тоҷикистонро тасвиб кард.
Ин лоиҳа дар ноҳияҳои Айнӣ, Данғара ва Дарвози Тоҷикистон амалӣ мешавад. Дар ин бора хабаргузории Sugdnews.com иттилоъ медиҳад.
Евгений Жуков, мудири раёсати Осиёи Марказӣ ва Ғарбӣ дар Бонки Осиёии Рушд дар ин замина гуфт: «Тоҷикистон дар ду даҳсолаи охир дар соҳаи тандурустӣ пешрафтҳои назаррасе ба даст овардааст, аз ҷумла дароз шудани умри мардум ва коҳиши мизони марги модарон".
Ба гуфтаи вай, бо вуҷуди ин, нобаробарӣ дар дастрасии хизматрасониҳои босифати тиббӣ вобаста ба минтақа ва вазъи иҷтимоию иқтисодии модарону кӯдакон дар Тоҷикистон боқӣ мемонад.
Таъкид мешавад, ки ҳадафи лоиҳаи мазкур бартараф кардани ин нобаробарӣ тавассути беҳбуди инфрасохтори тиббӣ ва баланд бардоштани малакаи кормандони соҳаи тиб дар манотиқи Тоҷикистон аст.
Дар чорчӯби лоиҳа сохтмони таваллудхона барои 40 кат дар ноҳияи Айнӣ, таваллудхона бо 80 кат дар ноҳияи Данғара ва бунёди беморхонаи марказӣ дар ноҳияи Дарвоз барои 100 катро пешбинӣ шудаст.
Ҳамаи ин муассисаҳои тиббӣ ба шароити иқлими маҳаллӣ мутобиқ карда шуда, бо фановариҳои каммасраф барои нигоҳ доштани шароити мусоид муҷаҳҳаз карда мешаванд.
Инчунин барои таъмини идоракунии самараноки таҷҳизоти тиббӣ дар ин муассисаҳои тиббӣ, низоми идоракунии дороиҳои рақамӣ ҷорӣ шуда, кормандон барои истифодаи он омӯзонида мешаванд.
Лоиҳа инчунин идоракунӣ ва омӯзиши кормандони соҳаи тибро тақвият бахшида, абзорҳо ва равандҳои хидматрасонӣ дар замони ҳомиладориро такмил медиҳад ва маблағгузории озмоиширо дар асоси парвандаҳо барои баланд бардоштани самаранокии маблағгузории беморхонаҳо ҷорӣ мекунад.
Илова бар ин, лоиҳа ба баланд бардоштани сатҳи огоҳии аҳолӣ дар бораи аҳамияти саломатии модару кӯдак тавассути чорабиниҳои фаҳмондадиҳӣ мусоидат мекунад, ки ба афзоиши истифодаи кӯмаки тиббии тахассусӣ мусоидат мекунад.
Хотиррасон мекунем, ки соли 2018 Бонки Осиёии Рушд барои лоиҳаи нигоҳубини маҷмӯии модарон ва кӯдакон 32 миллон доллар кумаки бебозгашти молӣ ҷудо карда буд.
Дар доири ин лоиҳа тадбирҳои беҳбуд бахшидан ба соҳаи тандурустӣ дар ноҳияҳои Файзобод, Рашт ва Шамсиддини Шоҳин амалӣ шуд.
Дар телеграм моро пайгирӣ кунед!
https://t.me/halvaTJnews
Бонки Осиёии Рушд қарори ҷудо кардани 30 миллион доллар кумаки бебозгашт барои беҳбуди хадамоти беҳдоштии модару кӯдак дар Тоҷикистонро тасвиб кард.
Ин лоиҳа дар ноҳияҳои Айнӣ, Данғара ва Дарвози Тоҷикистон амалӣ мешавад. Дар ин бора хабаргузории Sugdnews.com иттилоъ медиҳад.
Евгений Жуков, мудири раёсати Осиёи Марказӣ ва Ғарбӣ дар Бонки Осиёии Рушд дар ин замина гуфт: «Тоҷикистон дар ду даҳсолаи охир дар соҳаи тандурустӣ пешрафтҳои назаррасе ба даст овардааст, аз ҷумла дароз шудани умри мардум ва коҳиши мизони марги модарон".
Ба гуфтаи вай, бо вуҷуди ин, нобаробарӣ дар дастрасии хизматрасониҳои босифати тиббӣ вобаста ба минтақа ва вазъи иҷтимоию иқтисодии модарону кӯдакон дар Тоҷикистон боқӣ мемонад.
Таъкид мешавад, ки ҳадафи лоиҳаи мазкур бартараф кардани ин нобаробарӣ тавассути беҳбуди инфрасохтори тиббӣ ва баланд бардоштани малакаи кормандони соҳаи тиб дар манотиқи Тоҷикистон аст.
Дар чорчӯби лоиҳа сохтмони таваллудхона барои 40 кат дар ноҳияи Айнӣ, таваллудхона бо 80 кат дар ноҳияи Данғара ва бунёди беморхонаи марказӣ дар ноҳияи Дарвоз барои 100 катро пешбинӣ шудаст.
Ҳамаи ин муассисаҳои тиббӣ ба шароити иқлими маҳаллӣ мутобиқ карда шуда, бо фановариҳои каммасраф барои нигоҳ доштани шароити мусоид муҷаҳҳаз карда мешаванд.
Инчунин барои таъмини идоракунии самараноки таҷҳизоти тиббӣ дар ин муассисаҳои тиббӣ, низоми идоракунии дороиҳои рақамӣ ҷорӣ шуда, кормандон барои истифодаи он омӯзонида мешаванд.
Лоиҳа инчунин идоракунӣ ва омӯзиши кормандони соҳаи тибро тақвият бахшида, абзорҳо ва равандҳои хидматрасонӣ дар замони ҳомиладориро такмил медиҳад ва маблағгузории озмоиширо дар асоси парвандаҳо барои баланд бардоштани самаранокии маблағгузории беморхонаҳо ҷорӣ мекунад.
Илова бар ин, лоиҳа ба баланд бардоштани сатҳи огоҳии аҳолӣ дар бораи аҳамияти саломатии модару кӯдак тавассути чорабиниҳои фаҳмондадиҳӣ мусоидат мекунад, ки ба афзоиши истифодаи кӯмаки тиббии тахассусӣ мусоидат мекунад.
Хотиррасон мекунем, ки соли 2018 Бонки Осиёии Рушд барои лоиҳаи нигоҳубини маҷмӯии модарон ва кӯдакон 32 миллон доллар кумаки бебозгашти молӣ ҷудо карда буд.
Дар доири ин лоиҳа тадбирҳои беҳбуд бахшидан ба соҳаи тандурустӣ дар ноҳияҳои Файзобод, Рашт ва Шамсиддини Шоҳин амалӣ шуд.
Дар телеграм моро пайгирӣ кунед!
https://t.me/halvaTJnews
Хабарҳои ҷолибтарин дар телеграмм-канали Halva.tj
Маводи зиёдтарро дар гурӯҳи фейсбукии Halva.tj ва саҳифаи мо дар Instagram дарёфт намоед
