Хабарҳои асосӣ дар Тоҷикистон
Бонки осиёии рушд барои ҳимоят аз занони деҳоти Тоҷикистон 17,5 млн доллар ҷудо мекунад
Нашр шуд
Бонки осиёии рушд барои беҳбуди малакаҳои кишоварзӣ ва амнияти ғизоии занон дар Тоҷикистон 17,5 миллион доллар кумаки бебозгашт тасвиб кардааст.
Ҳадафи лоиҳаи "Воситаҳои зиндагии устувор ва тавонмандсозии занони деҳот" баланд бардоштани ҳосилнокии хоҷагиҳои деҳқонии занон ва беҳбуди шароит барои коркард ва нигоҳдории маҳсулоти кишоварзӣ мебошад", - гуфта мешавад дар хабари матбуотии Бонки осиёии рушд.
Интизор меравад, ки лоиҳа ҳимоят аз занони осебпазирро дар ноҳияҳои Бохтар, Фархор, Кӯлоб, Панҷ, Шаҳритус ва Восеъ дар вилояти Хатлон, ки сераҳолитарин ва бузургтарин тавлидкунандаи маҳсулоти кишоварзӣ дар Тоҷикистон аст, тақвият мебахшад.
Дар ин гузориш таъкид шудааст, ки иқтисоди Тоҷикистон дар бахши кишоварзӣ ба кори занон вобастагии сахт дорад.
Занони кишоварз дар доираи лоиҳа маводи гуногуни кишоварзӣ, аз қабили таҷҳизоти хушккунӣ, гармхонаҳо ва технологияҳои обёрии каммасраф дарёфт мекунанд. Занони деҳот инчунин оид ба идоракунии молӣ ва технологияҳои истеҳсолӣ, аз ҷумла ҳалли табиӣ ва мубориза бо ҳашароти зараррасон таълим мегиранд. Дар ин замина тамаркуз ба парвариши меваю сабзавот ва занбӯри асалпарварӣ мешавад, ки боздеҳии баландтарини иқтисодӣ доранд.
Лоиҳа инчунин марказҳои хурди коркард ва нигоҳдории зироатҳоро барои беҳтар кардани сифати маҳсулот, ки боиси афзоиши арзиш дар бозорҳои маҳаллӣ ва содирот мегардад, дастгирӣ мекунад. Дар баробари ин лоиҳаи мазкур барои омӯзиш ва савдои маҳсулоти кишоварзӣ пойгоҳҳои рақамиро фароҳам месозад.
Ҳамчунин дар чаҳорчӯби ин тарҳ ҳалли мушкилоти занони осебпазире, ки қурбони хушунати хонаводагӣ ва дигар шаклҳои хушунат шудаанд, дар назар аст. Таҳти роҳбарии Кумитаи занон ва оилаи ҳукумати Тоҷикистон ва ҳукумати вилояти Хатлон як паноҳгоҳе таъсис дода мешавад, ки барои қурбониёни зӯроварии ҷинсӣ, машварат, омӯзиш ва имкониятҳои соҳибкориро пешниҳод хоҳад кард.
Бояд гуфт, ки Бонки осиёии рушд бузургтарин кумакрасони молии Тоҷикистон маҳсуб шуда, дар тӯли 26 сол барои зерсохтҳои стратегии роҳ, энергетика, тандурустӣ, маориф, кишоварзӣ, рушди шаҳрсозӣ, идоракунии бахши давлатӣ ва молия маблағгузорӣ кардааст.
Дар ин муддат Тоҷикистон аз Бонки осиёии рушд беш аз 2,6 миллиард доллар, аз ҷумла беш аз 2 миллиард доллар кумакҳои молӣ дарёфт кардааст. Аз соли 2018 инҷониб Бонки осиёии рушд ба Тоҷикистон танҳо маблағҳои грантӣ ҷудо мекунад.
Дар телеграм моро пайгирӣ кунед!
https://t.me/halvaTJnews
Ҳадафи лоиҳаи "Воситаҳои зиндагии устувор ва тавонмандсозии занони деҳот" баланд бардоштани ҳосилнокии хоҷагиҳои деҳқонии занон ва беҳбуди шароит барои коркард ва нигоҳдории маҳсулоти кишоварзӣ мебошад", - гуфта мешавад дар хабари матбуотии Бонки осиёии рушд.
Интизор меравад, ки лоиҳа ҳимоят аз занони осебпазирро дар ноҳияҳои Бохтар, Фархор, Кӯлоб, Панҷ, Шаҳритус ва Восеъ дар вилояти Хатлон, ки сераҳолитарин ва бузургтарин тавлидкунандаи маҳсулоти кишоварзӣ дар Тоҷикистон аст, тақвият мебахшад.
Дар ин гузориш таъкид шудааст, ки иқтисоди Тоҷикистон дар бахши кишоварзӣ ба кори занон вобастагии сахт дорад.
Занони кишоварз дар доираи лоиҳа маводи гуногуни кишоварзӣ, аз қабили таҷҳизоти хушккунӣ, гармхонаҳо ва технологияҳои обёрии каммасраф дарёфт мекунанд. Занони деҳот инчунин оид ба идоракунии молӣ ва технологияҳои истеҳсолӣ, аз ҷумла ҳалли табиӣ ва мубориза бо ҳашароти зараррасон таълим мегиранд. Дар ин замина тамаркуз ба парвариши меваю сабзавот ва занбӯри асалпарварӣ мешавад, ки боздеҳии баландтарини иқтисодӣ доранд.
Лоиҳа инчунин марказҳои хурди коркард ва нигоҳдории зироатҳоро барои беҳтар кардани сифати маҳсулот, ки боиси афзоиши арзиш дар бозорҳои маҳаллӣ ва содирот мегардад, дастгирӣ мекунад. Дар баробари ин лоиҳаи мазкур барои омӯзиш ва савдои маҳсулоти кишоварзӣ пойгоҳҳои рақамиро фароҳам месозад.
Ҳамчунин дар чаҳорчӯби ин тарҳ ҳалли мушкилоти занони осебпазире, ки қурбони хушунати хонаводагӣ ва дигар шаклҳои хушунат шудаанд, дар назар аст. Таҳти роҳбарии Кумитаи занон ва оилаи ҳукумати Тоҷикистон ва ҳукумати вилояти Хатлон як паноҳгоҳе таъсис дода мешавад, ки барои қурбониёни зӯроварии ҷинсӣ, машварат, омӯзиш ва имкониятҳои соҳибкориро пешниҳод хоҳад кард.
Бояд гуфт, ки Бонки осиёии рушд бузургтарин кумакрасони молии Тоҷикистон маҳсуб шуда, дар тӯли 26 сол барои зерсохтҳои стратегии роҳ, энергетика, тандурустӣ, маориф, кишоварзӣ, рушди шаҳрсозӣ, идоракунии бахши давлатӣ ва молия маблағгузорӣ кардааст.
Дар ин муддат Тоҷикистон аз Бонки осиёии рушд беш аз 2,6 миллиард доллар, аз ҷумла беш аз 2 миллиард доллар кумакҳои молӣ дарёфт кардааст. Аз соли 2018 инҷониб Бонки осиёии рушд ба Тоҷикистон танҳо маблағҳои грантӣ ҷудо мекунад.
Дар телеграм моро пайгирӣ кунед!
https://t.me/halvaTJnews
Хабарҳои ҷолибтарин дар телеграмм-канали Halva.tj
Маводи зиёдтарро дар гурӯҳи фейсбукии Halva.tj ва саҳифаи мо дар Instagram дарёфт намоед
