То ин дам акси Бердимуҳаммадова бо шавҳару аҳли оилааш дар расонаҳо нашр нашудааст.

Нашрияи "Sondakika" расми зани президенти Ҷумҳурии Туркманистонро нашр намудааст. То ин дам ҳеҷ кас намедонист, ки бонуи аввали Туркманистон чӣ гуна сурат дорад.

"Sondakika" қайд намудааст, ки президенти Туркманистон Қурбонгулӣ Бердимуҳаммадов пас аз анҷоми мулоқот бо раисҷумҳури Туркия Раҷаб Тайиб Эрдуғон, ҳамтои худро ба зиёфат даъват намудааст. 

Гуфта мешавад, ки оилаи Бердимуҳаммадовҳо бо меҳмонон акси хотиравӣ гирифтаанд ва ҳамсари сарвари Туркманистон низ Огулгерек Бердимуҳамедова ба дурбини суратгир афтодааст.

То дирӯз  дар расонаҳо акси Бердимуҳаммадов танҳо дар иҳотаи фарзандону наберагонаш нашр мешуд ва ҳамсараш ҳамеша пушти парда меистод.

Рӯзи 28-уми ноябр дар Ишқобод 15-умин нишасти сарони Созмони ҳамкориҳои иқтисодӣ баргузор гардид, ки дар он роҳбарони Тоҷикистон, Ӯзбекистон, Қирғизистон, Эрон, Покистон ва дигар кишварҳо иштирок доштанд.

Аз ИМА то АМА ва Саудӣ. Шаҳрвандони 52 кишвар ба Тоҷикистон бе раводид омада метавонанд.