Тибқи иттилои Кумитаи кор бо ҷавонон ва варзиш Президенти Конфедератсияи дучархаронии Осиё Осама Аҳмад Ал-Шафар бо сафари корӣ ба Душанбе омадааст, то макон ва шароити баргузории аввалин Чемпионати дучархаронии Осиёро дар Душанбе баррасӣ кунад.
 
Дар бораи баргузории мусобиқаи дучархаронии Осиё аз 25-ум то 28-уми марти соли 2022 дар шаҳри Душанбе миёни Конфедератсияи дучархаронии Осиё ва Федератсияи дучархаронии Тоҷикистон тафоҳумнома ба имзо расидааст.
 
Баргузор кардани мусобиқаи дучархаронии “Осиё-2022” дар шаҳри Душанбе моҳи июни соли ҷорӣ дар мулоқоти раиси шаҳри Душанбе Рустами Эмомалӣ ва раиси Конфедератсияи дучархаронии Осиё Осама Аҳмад Ал-Шафар тафоҳум ба имзо расида буд.
 
Бояд гуфт, аввалин бор аст, ки мусобиқаи осиёии дучархаронӣ дар шаҳри Душанбе баргузор мешавад.