Вазорати саноат ва тиҷорати Толибон* мегӯяд, бо як ширкати чинӣ барои содироти нахи пахтаи Афғонистон ба маблағи 25 миллион доллар қарордод имзо шуд.

Вазорат бо нашри як баёния гуфтааст, ки ин қарордод 11 июл миёни ширкати "Пахта - тилои сафеди афғон" ва ширкати "Shanghai Khoban Tikstyle" ба имзо расид.

Вазорати саноат ва тиҷорати Толибон* гуфтааст, бар асоси ин қарордод, 10 ҳазор тонна калобаи пахтаи Афғонистон ба маблағи 25 миллион доллар ба Чин содир мешавад.

Бояд гуфт, ки аз замони дубора ба даст овардани ҳокимият дар Афғонистон, Толибон* талош доранд равобити сиёсиву иқтисодиро бо Чин густариш диҳанд.

Ин гурӯҳ алакай қарордоди истихроҷи бархе аз конҳои бузурги Афғонистонро ба ширкатҳои чинӣ додааст.


  *-созмони мамнуъ дар Тоҷикистон

Дар телеграм моро пайгирӣ кунед!
https://t.me/halvaTJnews