Хабарҳои асосӣ дар Тоҷикистон
COVID-19 дар Тоҷикистон: 28 ҳолати нави гирифторшавӣ ва 1 фавт дар рӯзи гузашта
Нашр шуд
Шабонарӯзи охир дар Тоҷикистон 28 ҳолати нави гирифторшавии сокинони кишвар ба бемории коронавируси нави COVID-19 ба қайд гирифта шудааст.
Ба маълумоти Вазорати тандурустӣ, рӯзи гузашта як нафар аз бемории коронавирус фавтида, 19 нафар шифо ёфтаанд.
Дар маҷмӯъ, шумораи шаҳрвандони гирифтори сирояти коронавируси нави COVID-19 то 4-уми июл дар Тоҷикистон 13597 нафарро ташкил дода, аз ин шумор 13365 нафар сиҳат ёфтаанд, ки баробар ба 98,3% аст. Дар умум дар Тоҷикистон 94 нафар аз ин беморӣ фавтидаанд.
Мувофиқ ба қарори Ситоди ҷумҳуриявӣ оид ба пешгирӣ аз паҳншавии бемории коронавируси COVID - 19 шурӯъ аз 2-юми июл ҳамаи шаҳрвандони Тоҷикистон, ки синнашон аз 18 болост, бояд ҳатман ваксина бигиранд.
Ашхосе, ки ҳанӯз ваксина нагирифтаанд, метавонанд ба духтури оилавӣ ва ё ба муассисаи тиббии ба маҳалашон наздикбуда муроҷиат намоянд. Вазорати тандурустӣ эълон кардааст, ки эмкунии шаҳрвандон ройгон мебошад.
Хабарҳои ҷолибтарин дар телеграмм-канали Halva.tj
Маводи зиёдтарро дар гурӯҳи фейсбукии Halva.tj ва саҳифаи мо дар Instagram дарёфт намоед