Ба иттилои АМИТ “Ховар” рӯзи 15-уми феврал нишасти байниҳукуматии Тоҷикистону Русия оид ба ҳамкории иқтисодӣ тариқи видеоконфронс баргузор гардид.

Ин нишастро аз тарафи Тоҷикистон Сарвазири кишвар Қоҳир Расулзода ва аз тарафи Русия муовини Раиси Ҳукумати  Русия Алексей Оверчук раҳбарӣ карданд.
 
Дар ҷаласа ҳамкории тиҷоратию иқтисодӣ, бунёди корхонаҳои муштараки саноатӣ, ҷалби сармоя, энергетика, маблағгузорӣ, муҳоҷират, кишоварзӣ, бахши маориф, фарҳанг ва дигар мавзӯъҳо мавриди баррасӣ қарор гирифтанд.

Ҳамчунин, барои тақвият ва  густариши робитаҳои иқтисодии ду кишвар бар татбиқи тавофуқномаҳои иқтисодиву сиёсӣ байни ду кишвар таъкиди махсус сурат гирифт.