Интизор аст, ки тамрини нерӯҳои имдод ва наҷот дар қаламрави ду кишвар дар соли 2025 баргузор шаванд.

Баргузории тамринҳои нерӯҳои ИДМ барои рафъи оқибатҳои ҳолатҳои фавқулоддаи табиӣ ва техногенӣ дар соли 2025 дар қаламрави Тоҷикистону Русия дар назар аст. Дар ин бора Вадим Синявский, вазири ҳолатҳои изтирории Беларус дар ҳошияи нишасти Шӯрои байнидавлатии ҳолатҳои фавқулоддаи табиӣ ва техногении кишварҳои узви иттиҳод дар Минск хабар дод.

«Самти асосии ҳамкории сохторҳои наҷотбахши ИДМ, албатта, ҳамоҳангсозии кӯшишҳои мо дар масъалаҳои қабул, бақайдгирии ҳолатҳои фавқулоддае, ки дар кишварҳои мо рух медиҳанд ва масъалаи омодагии нерӯҳои наҷотбахши ИДМ мебошад. Мо нақшаи машқҳои гуногунро муайян мекунем, ки чорабиниҳо ҳам дар Тоҷикистон ва ҳам дар Русия аз нуқтаи назари амалӣ гузаронида мешаванд», - гуфт вазир.

Синявский таъкид кард, ки нерӯҳои наҷотдиҳии ИДМ метавонанд оқибатҳои ҳама гуна ҳолатҳои фавқулоддаро бартараф кунанд.

"Гурӯҳи муштарак таъсис шуда ба минтақаи ҳолати фавқулодда ҳаракат мекунад ва корҳои бартарафсозии ин рухдодро анҷом медиҳад", - шарҳ дод Синявский.

Зимни вохӯрӣ Александр Куренков, вазири ҳолатҳои изтирории Русия наҷотдиҳандагони кишварҳои муштаракулманофеъро барои ширкат дар машқҳои муштараки нерӯҳои ИДМ ҷиҳати рафъи оқибатҳои ҳолатҳои фавқулоддаи табиӣ ва техногенӣ, ки майи соли 2025 дар вилояти Маскав баргузор мешавад,  даъват намуд.

Вай афзуд, ки машқҳои нерӯҳои наҷотбахши ИДМ моҳи майи соли оянда дар тамрингоҳи Ногински вилояти Маскав анҷом хоҳад шуд.

Бояд гуфт, қаблан хабар дода шуда буд, ки кишварҳои ИДМ дар соли 2025 дар шароити биёбон тамриноти низомӣ баргузор хоҳанд кард.

Дар телеграм моро пайгирӣ кунед!
https://t.me/halvaTJnews