Маркази нави таҳсилоти иловагии "Россотрудничества" дар гимназияи тоҷикӣ- русии ба номи А. Пушкин дар ноҳияи Рӯдакӣ кушода шуд. Дар ин бора намояндагии "Россотрудничество" дар Тоҷикистон хабар дод.

Роҳбари намояндагии "Россотрудничество", Андрей Патрушев мактаббачагонро бо ифтитоҳи ин марказ табрик гуфта, изҳори умедворӣ кард, ки ин марказ дар меҳвари таваҷҷуҳи тамоми аҳли ноҳия қарор хоҳад гирифт.

"Хеле муҳим аст, ки дар ин марказ фаъолияти ҳам тарбиявӣ ва ҳам эҷодӣ бошад, аз тарафи худ мо омодаем, ки ба назди шумо омӯзгорони бомаҳоратро биёрем ",- гуфт Патрушев.

Бахшида ба ифтитоҳи маркази нав, иртиботи телевизионии мустақим «Тоҷикистон – Қазоқистон – Қирғизистон» баргузор гардид, ки дар он ҳамкорони тоҷикро кормандони чунин марказҳо дар Уст-Каменогорск ва Кант табрик намуданд.

Зимни ин маросим Заррина Исмоилзода, муовини раиси ноҳияи Рӯдакӣ аз пешниҳоди баргузории чорабиниҳо дар ин марказ бо иштироки хонандагону омӯзгорони дигар мактабҳои ноҳия ҷонибдорӣ намуд.

«Ҷамъият ба омӯзиши забони русӣ ниёз дорад ва ба ин масъала таваҷҷуҳи хоса зоҳир мешавад», - гуфт Исмоилзода.

Гимназияи тоҷикӣ- русии ба номи Пушкини ноҳияи Рӯдакӣ соли 1963 таъсис ёфтааст. Дар ин мактаб омӯзиш бо ду забон гузаронида шуда, он 2292 нафар донишомӯз дорад.

Ба иттилои намояндагии "Россотрудничество", аз соли 2023 дар Тоҷикистон ду маркази таҳсилоти иловагӣ дар мактабҳо фаъолият мекунанд. Маркази сеюм ахиран дар яке аз мактабҳои вилояти Суғди Тоҷикистон кушода шуд.

Гуфта мешавад, интизор аст, ки дар умум дар Тоҷикистон шаш маркази таълими иловагӣ аз сӯи "Россотрудничество" кушода шавад.

Дар телеграм моро пайгирӣ кунед!
https://t.me/halvaTJnews