Ғолибони марҳилаи вилоятӣ ва шаҳрии озмуни “Муаллими сол” дар Узбекистон соҳиби манзил хоҳанд шуд.

Ба ғолибони марҳилаи ноҳиявӣ ва шаҳрии озмуни “Муаллими сол” дар Узбекистон манзили сеҳуҷрагӣ тақдим мешавад. Дар ин бора Шавкат Мирзиёев, раисҷумҳури Узбекистон рӯзи 30 сентябр дар мулоқот бо намояндагони соҳаи маориф бахшида ба Рӯзи омӯзгорон, ки 1 октябр таҷлил мешавад, изҳор дошт, хабар медиҳад сомонаи gazeta.uz.

“Ҳар сол ғолибони озмуни «Муаллими сол» дар ноҳияҳо ва шаҳрҳо ба унвони тӯҳфаи президентӣ манзили сеҳуҷрагӣ хоҳанд гирифт, ки 208 нафар омӯзгоронро дарбар мегирад”,- гуфт Мирзиёев.

Раисҷумҳури Узбекистон инчунин эълом дошт, ки саҳмияи солонаи фиристодани омӯзгорон ба осоишгоҳҳо ва ҷойҳои истироҳатӣ дар ин кишвар ду баробар зиёд мешавад.

Дар баробари ин аз соли хониши оянда ба омӯзгорон дар Узбекистон шаҳодатномаи тахассусӣ дар асоси стандартҳои байналмилалӣ дода мешавад ва шахсоне, ки дар имтиҳонот беш аз 86 имтиёз мегиранд, ба андозаи 70 дарсад мукофоти иловагӣ дода мешавад.

Ҳамзамон ба омӯзгороне, ки шогирдашон ғолиби олимпиадаҳои фаннӣ шудаанд, дар ҳаҷми аз 50 миллион то 150 миллион сум ($4000 - 12000 доллар) мукофотпулӣ ва ҳамчунин 100% иловапулӣ ба маош дар як сол пардохт карда мешавад.

Инчунин гуфта мешавад, ки худи хонандагони ғолиб аз низ ҷоизаҳои пулӣ хоҳанд гирифт. Аз ҷумла 170 миллион сум (13,5 ҳазор доллар) барои медали тило, 102 миллион (8 ҳазор доллар) барои медали нуқра ва 68 миллион сум (5,4 ҳазор доллар) барои медали биринҷӣ пардохт мешавад.

Тибқи омори расмӣ, дар соли 2024 хонандагони Узбекистон дар олимпиадаҳои байналмилалӣ 122 медал ба даст овардаанд.

Дар телеграм моро пайгирӣ кунед!
https://t.me/halvaTJnews