Тибқи иттилои Вазорати корҳои хориҷаи кишвар  муовини Вазири корҳои хориҷии  Тоҷикистон Музаффар Ҳусейнзода бо сафири  Туркия дар Тоҷикистон Эмре Зекӣ Карагёл мулоқот ва гуфтугӯ намудааст. 

Гуфта мешавад, ки дар ҷараёни суҳбат ҷонибҳо перомуни ҳолати кунунӣ ва дурнамои тавсеаи ҳамкориҳо байни Тоҷикистон ва Туркия табодули назар кардаанд.

Ҳамчунин ду тараф алоқамандии худро барои густаришу таҳкими робитаҳои ду кишвари дӯст дар соҳаҳои мавриди таваҷҷӯҳи тарафайн иброз дошта, идомаи ҳамкориро дар доираи созмонҳои минтақавӣ ва байналмилалӣ муҳим донистаанд.

Туркия яке аз шарикони стратегии Тоҷикистон ба ҳисоб меравад, ки вақтҳои охир миёни кишварҳо ҳамкориҳо дар арсаҳои гуногун, аз ҷумла иқтисодӣ ва тиҷоратӣ дар ҳоли рушд қарор гирифтааст.