Кумитаи иҷроияи ИДМ ташаббуси Созмони Паймони Амнияти Дастаҷамъиро барои таъсиси як гурӯҳи муштараки корӣ барои таъсиси камарбанди амниятӣ дар атрофи Афғонистон дастгирӣ кард.

Дар ин бора дабири кулли ИДМ, Сергей Лебедев дар ҷаласаи котибони шӯроҳои амниятии кишварҳои Иттиҳод дар Маскав изҳор дошт.

"Дар мавриди масъалаи Афғонистон, ки имрӯз баррасӣ хоҳад шуд, Кумитаи иҷроияи ИДМ пешниҳоди котиботи СПАД-ро дар бораи таъсиси як гуруҳи кории муштарак аз намояндагони сохторҳои дахлдори созмонҳои мо бо мақсади таҳияи нақшаи муштараки ҳамаҷонибаи эҷоди як камарбанди амниятӣ дар атрофи Афғонистон комилан дастгирӣ кард", - гуфт Лебедев.

Вай изҳори умед кард, ки кори ин гурӯҳ барои эътидоли вазъи ин минтақа марбут ба фаъолияти созмонҳои байналмилалии террористӣ, қочоқи силоҳ, маводи мухаддир ва муҳоҷирати ғайриқонунӣ мусоидат хоҳад кард.

Бояд гуфт, ки пешниҳоди таъсиси камарбанди амниятӣ дар атрофи Афғонистон дар моҳи январи соли 2022 аз ҷониби Эмомалӣ Раҳмон раисҷумҳури Тоҷикистон дар нишасти ғайринавбатии СПАД эълон шуд.

Баъдтар дар назди Шӯрои вазирони корҳои хориҷии кишварҳои СПАД як гурӯҳи корӣ барои Афғонистон таъсис шуд, ки дар фаъолияти он намояндагони СММ, ИДМ, СҲШ, сафоратҳои Афғонистон ва кишварҳои сеюми манфиатдор ширкат доранд.

Дар телеграм моро пайгирӣ кунед!
https://t.me/halvaTJnews