Хабарҳои асосӣ дар Тоҷикистон
Истифодаи Тоҷикистон аз имкониятҳои транзитии Бандараббосро дар Теҳрон баррасӣ карданд
Нашр шуд
Тоҷикистону Эрон масоили марбут ба истифода аз зарфиятҳои бузурги транзитии Бандараббосро баррасӣ карданд.
Ба иттилои Вазорати хориҷӣ, 3-юми ноябр Сафири Тоҷикистон дар Теҳрон Низомиддин Зоҳидӣ бо Раиси вилояти Ҳурмузгони ин кишвар Маҳдӣ Дӯстӣ ва роҳбарони мақомоти иқтисодиву тиҷоратии ин устон дидору гуфтугӯ кард.
Масоили вобаста ба истифода аз имконоти бузурги транзитии бандарҳои ин вилоят, аз ҷумла Бандараабос ба манзури рушди ҳамкориҳои тиҷоратии Тоҷикистон бо кишварҳои минтақа аз меҳварҳои аслии ин мулоқот буд.
Манбаъ мегӯяд, дар ин дидор Раиси вилояти Ҳурмузгон имконоти иқтисодиву тиҷоратии ин устонро ба Сафири тоҷик муаррифӣ кардаву гуфтааст, ки онҳо барои густариши равобит бо Тоҷикистон алоқаманд ва омода ҳастанд.
Коршиносон ба ин назаранд, ки интизор меравад дар давраи раёсатҷумҳурии Саид Иброҳим Раисӣ равобити Душанбеву Теҳрон рӯ ба рушд оварад. Раисӣ 5-уми август ҳамчун раисиҷумҳури Эрон савганд ёд кардаву ба фаъолият оғоз намуд ва аввалин сафари расмии хориҷии ӯ низ ба Тоҷикистон буд.
Дар чаҳорчӯби ин сафар Раисӣ бо Эмомалӣ Раҳмон мулоқот анҷом дод ва дар музокироти сатҳи баланди ду кишвар иштирок намуд, ки аз натоиҷи он миёни ду кишвар чандин санади нави ҳамкорӣ ба имзо расид.
Хабарҳои ҷолибтарин дар телеграмм-канали Halva.tj
Маводи зиёдтарро дар гурӯҳи фейсбукии Halva.tj ва саҳифаи мо дар Instagram дарёфт намоед
