Бузургмеҳр Ҷаҳонзода, хонандаи мактаб аз шаҳри Хуҷанд, дар озмуни VI байналмилалии “Аз Ватани худ ба дунё бигӯй” мақоми аввалро касб кард.

«Маҳсули эҷоди хонандаи муассисаи таълимии Русияву Тоҷикистон «Мактаби миёна бо омӯзиши амиқи фанҳои алоҳидаи ба номи А.П. Чехов дар шаҳри Хуҷанд», Бузургмеҳр Ҷаҳонзода ҳайати доварони озмунро мафтун кард ва сазовори ҷои аввал гардид», - гуфт намояндаи ин муассисаи таълимӣ Манучеҳр Муҳиддинов.

Ба иттилои хабаргузории Sugdnews, дар баробари Бузургмеҳр хонандаи синфи 4-ум Аҳмад Аҳмадов низ дар қатори ғолибони Озмуни VI байналмилалии «Аз Ватани худ ба дунё бигӯй» буд. Аҳмад дар матлаби таҳиякардаи видеоии худ дар бораи саргузашти аҷиби сарбози артиши подшоҳӣ Степан Яковлев нақл кардааст. Ин достони на танҳо ҷолиб аст, балки бо эҳсоси ватандӯстӣ ва эҳтироми амиқ ба мероси таърихии Ватанаш фаро гирифта шудааст.

Бояд гуфт, ки маросими супурдани ҷоизаҳо ба ғолибони озмуни VI байналмилалии “Аз Ватани худ ба дунё бигӯй” дар Маскав баргузор шуд.  Дар ин озмун беш аз 16 ҳазор нафар аз 70 кишвари ҷаҳон ширкат карданд. Намояндагони 16 кишвари ҷаҳон, аз ҷумла се ҷумҳурии Осиёи Марказӣ – Тоҷикистон, Қазоқистон ва Узбекистон дар озмун ғолиб шуданд.

Дар ин миён муваффақияти намояндагони Тоҷикистон, Аҳмад Аҳмадов дар бахши “Видеоролик” (аз 7 то 11-сола) ҷои 2-юм, Амир Додомирзоев дар бахши “видеоролик” ҷои 2-юм (аз 11 то 15-сола) ва Бузургмеҳр Ҷаҳонзода ғолиби бахши «Саҳифаи катбӣ”  муаррифӣ дар мавзуи  «Аз Ватани худ ба дунё бигӯй» (аз 7 то 11-сола), ки се мукофотро соҳиб шуданд, сазовори таваҷҷӯҳи махсус гардид.

Таъкид мешавад, ки маҳсули кори иштирокчиёни озмунро 174 коршиноси кишварҳои гуногун, аз ҷумла омӯзгорон, устодони донишгоҳҳо ва фаъолони ҷамъиятӣ баҳогузорӣ карданд.

Дар телеграм моро пайгирӣ кунед!
https://t.me/halvaTJnews