Тоҷикистон баъди панҷ сол дар қаҳрамонии бокси Осиё соҳиби медали тило шуд.

Рӯзи 11-уми қаҳрамонии бокси Осиё дар Таиланд муштзани тоҷик, Акмал Убайдов барандаи нишони тило шуд. Ин аввалин нишони тилои Тоҷикистон дар мусобиқа мазкур дар Таиланд мебошад. Дар ин бора Федератсияи бокси Тоҷикистон хабар медиҳад.

Гуфта мешавад, ки муштзании тоҷик Акмал Убайдов зери вазни 60 кг дар қаҳрамони Осиё дар Тайланд соҳиби медали тило шуд. Дар марҳилаи ниҳоӣ Убайдов бар намояндаи Ҷопон, Сота Накайама бо ҳисоби 4:1 пирӯз шуд.

Акмал Убайдов дар роҳ ба финал варзишгарони Қазоқистон Билбарс Жехен ва намояндаи Украина Айдер Абдураимовро шикаст дод.

Ҳамин тариқ, пас аз 5 сол Акмал Убайдов барои Тоҷикистон аз қаҳрамонии Осиё медали тило меорад.

Бори охир муштзани тоҷик Баҳодур Усмонов соли 2019 дар қаҳрамонии Осиё соҳиби медали тило шуда буд.

Дар таърихи бокси Тоҷикистон соли 2005 Ҷаҳон Қурбонов, Анвар Юнусов соли 2011 ва Баҳодур Усмонов соли 2019 барандагони медали тило дар мусобиқаҳои қаҳрамонии Осиё мебошанд.