Хабарҳои асосӣ дар Тоҷикистон
Намунаи нави пули қоғазии арзишашон 20 ва 50 сомонӣ ба муомилот мебарояд
Нашр шуд
Ҷиҳати таъмин гардидани талаботи муомилоти пули нақди кишвар бо пулҳои қоғазӣ ва баланд бардоштани дараҷаи ҳимояи пули миллӣ Бонки миллии Точикистон пулҳои қоғазии навро бо арзишҳои номиналии 20 ва 50 сомонии намунаи соли 2021 ба муомилот мебарорад. Дар ин бора Хадамоти матбуоти Бонки миллии Тоҷикистон хабар медиҳад.
Қайд мегардад, ки пулҳои коғазӣ бо арзишҳои номиналии 20 ва 50 сомонии намунаи соли 2021 дар қатори пулҳои коғазӣ бо арзишҳои номиналии 20 ва 50 сомонӣ, намунаи солҳои 1999, 2010, 2017 ва 2018, ки дар муомилот ҳастанд, баробар гардиш мекунад.
Маврид ба зикр аст, ки пулҳои коғазӣ бо арзишҳои номиналии 20 ва 50 сомонии намунаи соли 2021 дорои дараҷаи муҳофизатии баланд буда, аз омехтаи нахи пахта (80%) ва маводи химиявии полимер (20%) омода гардидаанд. Пулҳои мазкур дорои унсурҳои ҳимоявӣ, аз қабили нишонаи обӣ, риштаи ҳимоявӣ, резанавишт, унсури чопию нақшкӯби зидди нусхабардорӣ, тасвирҳои бо ҳам пайвандшаванда, кинеграмма, нишона барои нобиноён ва ҳимояи магнитӣ мебошанд.
Хабарҳои ҷолибтарин дар телеграмм-канали Halva.tj
Маводи зиёдтарро дар гурӯҳи фейсбукии Halva.tj ва саҳифаи мо дар Instagram дарёфт намоед