Хабарҳои асосӣ дар Тоҷикистон
Ғолибони Синамоҷоизаи дуюми миллии «Тоҷи Сомон» дар Тоҷикистон муайян шуданд
Нашр шуд
Дар «Кохи Суруш»-и шаҳри Душанбе шоми 17 октябр маросими ҷоизасупорӣ ба ғолибони Синамоҷоизаи дуюми миллии «Тоҷи Сомон» таҳти шиори «Қадршиносии ҳунари асил» баргузор гардид.
Тибқи иттилои хабаргузории «Ховар», дар ин маросим синамогарон аз Эрон, Беларус, Озарбойҷон, Узбекистон, Қазоқистон ва Русия иштирок намуданд.
Дилрабо Мансурӣ, муовини сарвазири Тоҷикистон зимни суханронӣ гуфт, ки Синамоҷоизаи миллии «Тоҷи Сомон» теъдоди зиёди ҳунармандони асил, ҷавон ва коршиносони синаморо аз кишварҳои гуногун ба ҳам оварда, барои мубодилаи афкор ва баррасии тамоюлҳои нави рушди синамои муосир арсаи васеи касбӣ гардид.
Ҳамин тариқ, ҷоизаи «Беҳтарин филми мустанад» ба филми «Пайравони ҳақиқат»-и Рустам Шоазимов, «Беҳтарин филми тасвирӣ» ба филми «Зани порсо»-и Фирдавс Насруллозода, «Беҳтарин филми ҳунарӣ» ба «Дар талоши ҳақиқат»-и Манзаралӣ Шералӣ, «Беҳтарин филми дебют» ба филми «Фурӯғ»-и Одина Маҳмад, «Беҳтарин филми ҳунарии кӯтоҳ» ба филми «Модар»-и Нигина Раҷабова, «Беҳтарин коргардон» ба Рустам Отахонов барои филми «Танҳо ту», «Беҳтарин дизайн» ба Восеъ Набиев барои филми «Танҳо ту», «Беҳтарин наворбардор» ба Шуҳрат Қурбонов барои филми «Танҳо ту», «Таваҷҷуҳи тамошобин» ба филми «Ғам»-и Музаффар Шодиев, «Беҳтарин нақши кӯдакона» ба Зулайхои Абдуҳаким барои филми «Се хоҳарон», «Беҳтарин нақши занона» ба Таҳмина Раҷабова барои филми «Зиндагӣ зебост», «Беҳтарин нақши мардона» ба Насриддин Нуриддинов барои филми «Зиндагӣ зебост», «Беҳтарин коргардон» барои филми «Зиндагӣ зебост» ба Далер Раҳматов, «Беҳтарин танзим» барои филми «Мактаби мардонагӣ» ба Дилшод Раҳмонов дода шуд.
Ҳамчунин барои иштирок дар Синамоҷоизаи мазкур ба Аслам Садриддин филми «Ҳафт марвориди Чин», Ғолибшо Мусоев «Ҳоло ки ман ҷавонам», Тоҳир Асрориён "Садои таммадун", Иззат Самадӣ «Фарзанди фарзонаи миллат», Далер Ҳасанзода «Мавлоно» ва ба филми Шавкат Муҳаммадиев «Ҳафткул» дипломи дуюмин Синамоҷоизаи миллии «Тоҷи Сомон» дода шуд.
Барои ба даст овардани ин ҷоизаи миллӣ ҳайати доварони байналмилалӣ ба беҳтарин филмҳо, ки аз ҷониби филмофарони Тоҷикистон рӯйи навор омадаанд, баҳо гузоштанд.
Ба озмуни Синамоҷоизаи миллии «Тоҷи Сомон» барои иштирок ва рақобат беш аз 50 филми пурра, кӯтоҳ, бадеӣ, мустанад ва тасвирӣ пешниҳод гардид.
Ёдовар мешавем, ки соли дуюм аст, ки Синамоҷоизаи миллии «Тоҷи Сомон» дар Тоҷикистон баргузор мешавад.09:26
Тибқи иттилои хабаргузории «Ховар», дар ин маросим синамогарон аз Эрон, Беларус, Озарбойҷон, Узбекистон, Қазоқистон ва Русия иштирок намуданд.
Дилрабо Мансурӣ, муовини сарвазири Тоҷикистон зимни суханронӣ гуфт, ки Синамоҷоизаи миллии «Тоҷи Сомон» теъдоди зиёди ҳунармандони асил, ҷавон ва коршиносони синаморо аз кишварҳои гуногун ба ҳам оварда, барои мубодилаи афкор ва баррасии тамоюлҳои нави рушди синамои муосир арсаи васеи касбӣ гардид.
Ҳамин тариқ, ҷоизаи «Беҳтарин филми мустанад» ба филми «Пайравони ҳақиқат»-и Рустам Шоазимов, «Беҳтарин филми тасвирӣ» ба филми «Зани порсо»-и Фирдавс Насруллозода, «Беҳтарин филми ҳунарӣ» ба «Дар талоши ҳақиқат»-и Манзаралӣ Шералӣ, «Беҳтарин филми дебют» ба филми «Фурӯғ»-и Одина Маҳмад, «Беҳтарин филми ҳунарии кӯтоҳ» ба филми «Модар»-и Нигина Раҷабова, «Беҳтарин коргардон» ба Рустам Отахонов барои филми «Танҳо ту», «Беҳтарин дизайн» ба Восеъ Набиев барои филми «Танҳо ту», «Беҳтарин наворбардор» ба Шуҳрат Қурбонов барои филми «Танҳо ту», «Таваҷҷуҳи тамошобин» ба филми «Ғам»-и Музаффар Шодиев, «Беҳтарин нақши кӯдакона» ба Зулайхои Абдуҳаким барои филми «Се хоҳарон», «Беҳтарин нақши занона» ба Таҳмина Раҷабова барои филми «Зиндагӣ зебост», «Беҳтарин нақши мардона» ба Насриддин Нуриддинов барои филми «Зиндагӣ зебост», «Беҳтарин коргардон» барои филми «Зиндагӣ зебост» ба Далер Раҳматов, «Беҳтарин танзим» барои филми «Мактаби мардонагӣ» ба Дилшод Раҳмонов дода шуд.
Ҳамчунин барои иштирок дар Синамоҷоизаи мазкур ба Аслам Садриддин филми «Ҳафт марвориди Чин», Ғолибшо Мусоев «Ҳоло ки ман ҷавонам», Тоҳир Асрориён "Садои таммадун", Иззат Самадӣ «Фарзанди фарзонаи миллат», Далер Ҳасанзода «Мавлоно» ва ба филми Шавкат Муҳаммадиев «Ҳафткул» дипломи дуюмин Синамоҷоизаи миллии «Тоҷи Сомон» дода шуд.
Барои ба даст овардани ин ҷоизаи миллӣ ҳайати доварони байналмилалӣ ба беҳтарин филмҳо, ки аз ҷониби филмофарони Тоҷикистон рӯйи навор омадаанд, баҳо гузоштанд.
Ба озмуни Синамоҷоизаи миллии «Тоҷи Сомон» барои иштирок ва рақобат беш аз 50 филми пурра, кӯтоҳ, бадеӣ, мустанад ва тасвирӣ пешниҳод гардид.
Ёдовар мешавем, ки соли дуюм аст, ки Синамоҷоизаи миллии «Тоҷи Сомон» дар Тоҷикистон баргузор мешавад.09:26
Хабарҳои ҷолибтарин дар телеграмм-канали Halva.tj
Маводи зиёдтарро дар гурӯҳи фейсбукии Halva.tj ва саҳифаи мо дар Instagram дарёфт намоед
