Шуъбаи иттилоотии дастгоҳи Раиси шаҳри Душанбе хабар додааст, ки ин иқдом бо қарори махсуси Рустами Эмомалӣ амалӣ гардида, тибқи он ба панҷ ҳазор ниёзманд, аз ҷумла, иштирокчиёну маъюбони Ҷанги дуюми ҷаҳонӣ, шахсони ба онҳо баробаркардашуда, ятимони кулли муассисаи давлатии таҳсилотӣ барои кӯдакони ятим ва бепарастор, инчунин кормандони муассисаҳои роҳсозии шаҳри Душанбе кӯмак расонида шудааст.

Манбаъ гуфтааст, бар асоси ин қарори Раиси шаҳри Душанбе Рустами Эмомалӣ ҳамчунин раисони ноҳияҳои пойтахт муваззаф гардидаанд, ки дар арафаи таҷлили ҷашни Истиклоли давлатӣ ҷиҳати расонидани кӯмаки моддӣ ба ятимону бепарасторон ва шахсони яккаву танҳо тадбирҳо андешанд.

Бояд гуфт, ки ҳамасола дар арафаи ҷашнҳои бузурги давлативу миллӣ шаҳрдори Душанбе Рустами Эмомалӣ ба табақаҳои ниёзманд кӯмак ироа менамояд.