Имомуддин Сатторзода ба кӯдакони ятими муассисаи “Алтуфево” тӯҳфаҳои идона, маводи ғизоӣ ва либосҳо тақдим кард.

5-уми май Сафири Тоҷикистон дар Русия Имомуддин Сатторов ва консули сафорат Анвар Ибодзода бо мақсади аёдат ба Маркази дастгирии иҷтимоӣ ва нигоҳубини ноболиғони “Алтуфево”-и шаҳри Москва рафт.

Бино ба иттилои роҳбарияти маркази номбурда, дар муассисаи мазкур зиёда аз 74 нафар кӯдакони ятим, ки 2 нафарашон шаҳрвандони Ҷумҳурии Тоҷикистон мебошанд, ба таълиму тарбия ва табобат фаро гирифта шудаанд.

Бояд гуфт, ки дар ин марказ тамоми шароити моддиву маишӣ ва фароғативу тавонбахшӣ ба тарбиятгирандагони ин муассиса фароҳам оварда шудааст, то онҳо бекасӣ ва танҳоиро эҳсос накунанд.

Сафири Тоҷикистон дар Русия бо Вазири сохтмон ва манзилию коммуналӣ мулоқот кард