Дар 10 соли охир сармоягузорони Чин ба иқтисоди Тоҷикистон 2,6 миллиард доллар сармоя ворид кардаанд, ки беш аз 57 дарсади он сармояи мустақим аст.

Дар бора Фаррух Юсуфзода, муовини якуми раиси Кумитаи давлатии сармоягузории Тоҷикистон зимни баргузории ҳамоиш бо иштироки намояндагони ширкатҳои сармоягузорию саноатии Чин эълон кард, иттилоъ дод хабаргузории "Ховар".

«Мо манфиатдорем, ки байни доираҳои тиҷоратии Тоҷикистон ва Чин, аз ҷумла соҳибкорони музофоти Синзсян робитаҳои мутақобили судмандро тақвият диҳем. Боварӣ дорам, ки тақвияти ин ҳамкорӣ дар соҳаҳои гуногун ба манфиати ҳарду давлат мебошад», - гуфт Юсуфзода.

Дар ҳамоиш гуфта шуд, ки ҷалби сармояи мустақим ва технологияҳои муосир барои истифодаи самараноки захираҳои бузурги гидроэнергетикии Тоҷикистон, ба кишвари транзитӣ табдил додани он ва таъмини сатҳи баланди некӯаҳволии мардум, инчунин тавсеаи имконияти шуғл дар соҳаҳои истеҳсолӣ аз ҷумлаи афзалияти сиёсатҳои давлати Точикистон аст.

Ёдовар мешавем, ки 21 июли соли ҷорӣ дар шаҳри Душанбе ҳамоиши сармоягузории Тоҷикистон ва Чин баргузор гардид. Дар доираи ин ҳамоиш миёни соҳибкорони ду кишвар қарордодҳои ҳамкорӣ ба маблағи 536 миллион доллар дар соҳаҳои саноат, нақлиёт ва сохтмон ба имзо расонида шуд.

Бояд гуфт, ки дар ҳафт моҳи соли ҷорӣ Чин аз рӯи ҳаҷми тиҷорати хориҷӣ бо Тоҷикистон баъди Русия дар ҷои дуюм қарор гирифт. Дар ин муддат муомилоти тиҷоратии Тоҷикистон ва Чин тақрибан 1 миллиард долларро ташкил дод, ки нисбати соли гузашта 25,9% бештар аст.изменено 08:49