Гардиши савдои хориҷӣ миёни Қазоқистон ва Тоҷикистон дар моҳҳои январ-августи соли ҷорӣ ба 780,7 миллион доллар расид, ки нисбат ба ҳамин давраи соли гузашта 6 дарсад бештар аст.

Дар ин бора сомонаи avesta.tj бо такя ба Кумитаи давлатии даромадҳои Вазорати молияи Қазоқистон хабар додааст.

Ба иттилои ин ниҳод, содироти Қазоқистон ба Тоҷикистон дар ҳашт моҳи соли ҷорӣ беш аз 1,6 миллион тонна маҳсулот бо арзиши умумии 613,2 миллион долларро ташкил дод, ки нисбат ба ҳамин давраи соли 2023 15,5 дарсад бештар аст. Маҳсулоти асосии содироти Қазоқистон ба Тоҷикистон гандум аст, ки дар ин муддат Тоҷикистон 629,1 ҳазор тонна гандум ба маблағи 154,5 миллион доллар ворид кардааст.

Дар баробари ин, ба Тоҷикистон воридоти равғани офтобпараст, сафлор ва лубиё то 44,8 ҳазор тонна афзуд, ки ин назар ба соли гузашта 8,2 дарсад зиёд аст.
 
Бо вуҷуди ин, воридоти бархе баъзе анвои маҳсулот аз Қазоқистон ба Тоҷикистон коҳиш ёфтааст. Аз ҷумла гуфта мешавад, ки содироти гази моеъ 4 дарсад кам шуда, 211,3 ҳазор донаро ташкил дод.

Аз сӯи дигар ба коҳиши содироти маҳсулот аз Тоҷикистон ба Қазоқистон дар 8 моҳи соли ҷорӣ ишора мешавад.

Дар моҳҳои январ-августи соли ҷорӣ аз Тоҷикистон ба Қазоқистон 220,8 ҳазор тонна маҳсулот ба маблағи умумии 167,5 миллион доллар содир шудааст, ки нисбат ба ҳамин давраи соли гузашта 19,4% камтар аст.

Бо ин вуҷуд таъкид мешавад, ки Қазоқистон ба сегонаи аввали шарикони тиҷоратии Тоҷикистон баъди Русия ва Чин шомил аст.

Дар телеграм моро пайгирӣ кунед!
https://t.me/halvaTJnews