Аз аввали апрел, эҳтимол аст дар Тошканд чорабиниҳои оммавӣ, аз ҷумла тӯйҳо, боздошта шаванд, менависад Podrobno.uz бо истинод ба маълумоти Вазорати тандурустӣ. 

Ин дар ҷаласаи ситоди шаҳри Тошканд оид ба пешгирии паҳншавии сирояти коронавирус баррасӣ шуд. Дар ҷараёни мулоқот тасмим гирифта шуд, ки назорат аз болои риояи тартибот ва талаботи карантин дар тӯйҳо пурзӯр карда шавад.Таклифи баргузории чорабиниҳои варзишӣ бидуни тамошобин низ баррасӣ шуд. 

Агар вазъи эпидемиологӣ бадтар шавад, мумкин аст аз 1 апрели соли равон дар Тошканд чорабиниҳои оммавӣ манъ карда шаванд. 

Инчунин дар Ӯзбекистон назорати пӯшидани ниқоб дар ҷойҳои ҷамъиятӣ пурзӯр карда шудааст, шахсони вайрон намудаи муқаррарот ҷарима мешаванд. Ғайр аз ин, Тошканд назорати риояи чораҳои карантинро дар сохтмонҳо ва таксиҳо пурзӯр мекунад.