Форуми байналмилалии туристии "Тоҷикистон-2020" таҳти роҳбарии Кумитаи рушди сайёҳии Тоҷикистон дар бинои Китобхонаи миллӣ бо иштироки муовини аввали сарвазир Давлаталӣ Саид, вакилон, роҳбарони вазоратҳо, ширкатҳои сайёҳӣ ва бисёр намояндагони дигари бахши давлатӣ доир гардид.

Ғайр аз он, дар ин чорабинӣ дабири кулли Созмони ҷаҳонии сайёҳӣ Зураб Пололикашвили, роҳбари дафтари Бонки ҷаҳонӣ Ян-Петер Олтерс ва намояндаи Бонки Рушди Осиё дар Тоҷикистон Муҳаммадӣ Бобоев иштирок намуданд.

Дар рафти форум зарарҳои бамиён овардаи Covid-19 ба соҳаи сайёҳӣ, дастгирии ин соҳа дар чунин вазъи муташанниҷ муҳокима карда шуда ва ба хулосае омаданд, ки соҳаи туризм дар Тоҷикистон метавонад ба такягоҳи иқтисод мубаддал гардад.