Дар радабандии наве, ки US News and World Report нашр кард, артиши Русия дар миёни нерӯмандтарин артишҳои ҷаҳон мақоми аввалро касб кардааст.

Нерӯҳои мусаллаҳи Русия аз артиши ИМА, Исроил ва Чин пеш гузаштанд.

Нерӯҳои мусаллаҳи Узбекистон дар феҳристи қавитарин артишҳои ҷаҳон, ки аз ҷониби коршиносони нашрияи амрикоии U.S News & World Report таҳия шудааст, дар ҷои 19-ум қарор доранд.

Дар ин радабандӣ дар маҷмуъ 89 кишвар муаррифӣ шудааст. Миёни кишварҳои Осиёи Марказӣ ба ҷуз Узбекистон, Қазоқистон ба ин феҳрист шомил шуда, дар зинаи 22-юм қарор дорад.

Аз миёни собиқ кишварҳои Иттиҳоди Шуравӣ бошад Узбекистон баъди Беларус, ки дар мақоми 12-уми рӯйхат ҷойгир аст, поинтар аст.

Дар баробари ин Озарбойҷон дар ин радабандӣ бо идомаи таҳкими нерӯҳои мусаллаҳи худ дар ҷои 29-ум қарор гирифт.

Пешсафи ин радабандӣ мисли соли гузашта Русия буда, дар ҷои дуюм ИМА ва дар ҷои сеюм Исроил қарор доранд.

Ба даҳгонаи артишҳои пурқуввати ҷаҳон ҳамчунин Чин, Кореяи Ҷанубӣ, Эрон, Британия, Украина, Олмон ва Туркия шомил шуданд.

Дар телеграм моро пайгирӣ кунед!
https://t.me/halvaTJnews