Макотиби деҳоти Тоҷикистон 4,5 тонна кӯмаки ғизоӣ хоҳанд гирифт

Сафорати Русия дар Тоҷикистон дар якҷоягӣ бо Барномаи ҷаҳонии озуқаи СММ дар доираи татбиқи Барномаи миллии озуқаи мактабӣ дар ноҳияҳои тобеи ҷумҳурӣ, вилояти Хатлон ва ВМКБ ба Вазорати маориф ва илми Тоҷикистон 1552 тонна орди гандуми ғанишуда* ва 67 тонна нахӯди зардро интиқол дод.

Дар маросими расмии таҳвил кордори муваққатии Русия дар Тоҷикистон Шамил Шамсутдинов, муовини директори Созмони ҷаҳонии озуқа дар Тоҷикистон Чарлз Инванӣ ва сардори Раёсати иқтисод ва тарҳрезии Вазорати тандурустии Тоҷикистон Бадриддин Музафарзода ҳузур доштанд.

Дар суханронии худ кордори муваққатии Русия дар Тоҷикистон Шамил Шамсудинов чунин иброз намуд: «Чору ним тонна маводи хӯрока байни макотиби ҷумҳурӣ тавзеъ мешавад, то дар соли таҳсили оянда, донишомӯзон битавонанд на танҳо дониш, балки ғизоҳои хушмазза ва солимро низ дарёфт кунанд».

«Таъмини ҳамарӯзаи кӯдакон бо маводи ғизоь дар мактабҳо на танҳо ба маънои тағзияи босифат, балки ба маънои ҳифзи саломатӣ низ ҳаст. Ин иқдом ҳамчунин волидайнро водор мекунад, ки фарзандони худ, аз ҷумла духтаронро ба таври ҳаррӯза/ доимӣ ба мактаб фиристанд,– ин чизе аст, ки мо аз он ифтихор дорем,» гуфт Чарлз Инвани, муовини директори БҶО СММ дар Тоҷикистон њангоми суханронии худ.

«Аз лаҳзаи оғози амалиёт то имрӯз ба Афғонистон ҳудуди 5 ҳазор тонна маводи ғизоӣ таҳвил дода шуда, ин раванд то ба имрӯз идома дорад. Айни замон дар анборҳоямон қариб 10 ҳазор тонна маводи ғизоӣ нигоҳ дошта мешавад. Мо ин маводро бо тадриҷ ва ба таври дақиқтар бо дархосту ниёзҳои амалиётии дафтари Созмони ҷаҳонии озуқаи СММ дар Афғонистон таҳвил хоҳем дод», - гуфт Фаррух Набиев.

* Орди гандуми ғанӣшуда, ордест, ки дорои витаминҳои В, руҳ ва кислотаи фолий мебошад. Ҳар як витамину минералҳо барои саломатии кӯдакон ва калонсолон муфиданд.