“TikTok -хӯрока”: 4 дастурамале, ки ба омода кардан меарзад

Имрӯзҳо аксарият ба ҳама чизи сомонаҳои иҷтимоӣ зуд бовар карда ва гумон мекунанд, ки онҳо асоси воқеӣ доранд. Аммо дар асл ин тавр нест. Махсусан, вақте сухан дар бораи хӯрокҳо меравад. Албатта, баъзе дастурамалҳое, ки маззаи хуб доранд, ҳангоми тамошои тарзи таҳияи он дар навор на он қадар зебо ба чашм мерасанд.

Барои он, ки хонандаи Halva.tj вақти пурқиммати худро ба омода намудани ҳама дастурҳое, ки тариқи сомонаҳои иҷтимоӣ нишон дода мешаванд, сарф накунад, мо тасмим гирифтем, 4 дастурамали аз ҳама болаззат ва коромадро аз TikTok интихоб намуда, ба шумо пешниҳод кунем.

Кулчақанд бо авёс

На ҳама хоҳиш дорад, ки бо ихтиёри худ сендвичро бо шулаи авёс иваз кунад, ҳарчанд он фоиданок ва муфид аст. Бар замми ин вақтҳои охир дар шабакаҳои иҷтимоӣ наворҳои зиёде пайдо шудаанд, ки аз шавлаи авёс барои наҳорӣ пирог пӯхтанро меомӯзонанд.

Тарзи омода намудани ин хӯрок хеле осон аст: Ним истакон шулаи авёсро бо як банани пӯхтарасида, тухм ва хушбӯйкунандаҳову хуштамъкунандаҳо омехта намуда, ба қолаби тафдон мерезем ва дар ҳарорати 350 дараҷа дар муддати 20 дақиқа мепазем.

Кулчақанди авёсиро метавонед бо дилхоҳ навъи ширинӣ истеъмол кунед. Ҳамчунин, метавон мувофиқи табъ ба он шоколад, чормағзи майдакардашуда ва ё дигар навъи ширинї илова кард.

Ширинӣ бо хамираи торти пӯхта

Ин тарзи пӯхти TikTok хеле олӣ аст, зеро онро метавон бо дилхоҳ хӯрок омехта кард.

Як қисми тортилларо бо корд бибуред. Ин корро тавре анҷом диҳед, ки қисмати буридагии шумо ба чор қисми баробар ҷудо шавад. Сипас, ба болои он метавонед дилхоҳ маҳлули дӯстдошта ва ё омоданамудаатонро резед.

Барои субҳона шумо метавонед, онро аз амлет омода карда, ба болояш панир, ҳасиб ва помидор гузоред. Нафароне, ки шириниро дӯст медоранд метавонанд ба болои он шоколад, банан ва дигар анвои шириниро гузоранд.

Тахтаи шириниҳо

Одатан барои нафароне, ки машрубот менӯшанд, панир ё ҳасиб мегузоранд. Тахтаҳои хидматӣ одатан барои хӯрдани панир ва ҳасиб бо спирт истифода мешаванд, аммо як нусхаи «ширин»-е низ ҳаст, ки вақтҳои охир хеле маъмул шудааст.

Тахтаи хидматрасоние, ки бо шоколад, конфет ва шириниҳо бомаҳорат пур карда шудааст, ороиши воқеии идона хоҳад шуд.

Афзалияти ин усул дар он аст, ки он пухтупазро талаб намекунад. Масалан, шумо метавонед болои он мармалот гузоред. Агар боз ҳам хоҳиш доред, ки ягон чизи муфидтарро пешниҳод кунед, пас метавонед меваҳои тару тозаро бо йогурт ба болои миз гузоред.

Макарон бо панири Фета ва помидор

Тааҷҷубовар нест, ки макарон хело машҳур шудааст: он хеле болаззат, зебо ва тарзи таҳияаш бошад хеле осон аст.

Барои омода намудани он ба лаълии тафдон панири Фета, помидор ва дилхоҳ хуштаъмкунандаҳоро гузоред ва ба он каме равған резеду ба тафдон монед. Пас аз 15 дақиқа онро аз тафдон гирифта, ба лаълї резед. Макарони дар об пӯхташударо бо он ҳамроҳ намуда, омехта намоед.

Бо иштиҳои том!

Wolf cut ё ороиши мӯйи «гургона»: навъи маъмули ороиши мӯй-2021