XXI Мактаби байналмиллалӣ оид ба чолишҳои амнияти ҷаҳонӣ барои мутахассисони ҷавон

Рӯзҳои 18-26-уми июни соли 2022 XXI Мактаби байналмиллалии Маркази тадқиқотҳои сиёсии Русия оид ба чолишҳои амнияти ҷаҳонӣ баргузор мегардад. Чорабинии мазкур дар шаҳри Звенигороди вилояти Москва барпо карда мешавад. Имсол мавзӯи мактаб ба чолишҳо ва таҳдидҳо ба амнияти Авруосиё дар шароити геополитикию технологии муосир ва роҳҳои таъмини он бахшида шудааст.

Мактаби байналхалқии Маркази тадқиқотҳои сиёсии Русия оид ба чолишҳои амнияти ҷаҳонӣ – ин платформаи байналхалқии таълимиест, ки ба мутахассисони ҷавон имкон медиҳад, то дониши худро дар бораи мушкилотҳо ва таҳдидҳои ҷаҳони муосир нав карда, маълумоти пурра дар бораи рӯйдодҳои асосӣ ва тамоюлҳоро дар самти амнияти Авруосиё кашф кунанд, дар худ малакаҳои таҳлили вазъият ва фаъолияти муштараки лоиҳавиро ташаккул диҳанд ва инчунин муколамаи мустақимро байни мутахассисони Русия ва кишварҳои хориҷӣ таъмин намоянд. Иштирок дар чорабинии мазкур воситаи самараноки инкишофи касбӣ ва аз ҳама муҳим, ташаккули барномаи ҳамкорӣ дар фазои Авруосиё мебошад.

    Хатмкунандагони Мактаби мазкур ба ҷомеаи байналмилалии коршиносони Маркази тадқиқотҳои сиёсии Русия - Ҷамъияти «Зери аломати ТСР» мепайванданд. Муҳим аз ҳама дар Мактаб зиёда аз 770 хатмкунандагони лоиҳаҳои асосии таълимии Маркази тадқиқотҳои сиёсии Русия, аз ҷумла Мактаби байналхалқӣ оид ба амнияти ҷаҳонӣ, курсҳои омӯзишӣ ва назариявӣ, барномаҳои таҷрибаомӯзӣ ва магистрӣ бо дипломи дуюм дар соҳаи паҳн накардани силоҳи ҳастаӣ (якҷоя бо Донишкадаи давлатии муносибатҳои байналхалқии Москва, Вазорати корҳои хориҷии Русия, Маркази тадқиқотҳои сиёсии Русия ва Институти тадқиқотҳои байналхалқии Миддлбери ИМА), мубоҳисаҳои байналхалқии Тимербоев ва ғайра ҳузур доранд. Аз онҳо зиёда аз 450 нафарашон хатмкунандагони худи Мактаби байналхалқии Маркази тадқиқотҳои сиёсии Русия оид ба амнияти ҷаҳонӣ мебошанд, ки он дар давоми 20 соли фаъолияташ ҳам дар Русия ва ҳам дар хориҷи кишвар эътироф гардидааст.

   Форматҳои асосии Мактаби байналхалқии Маркази тадқиқотҳои сиёсии Русия оид ба амнияти ҷаҳонӣ дар соли 2022: лексияҳо, семинарҳо, тренингҳо, мубоҳисаҳо, вохӯриҳо бо шахсони расмӣ ва публитсистҳо, ҷаласаҳои панелӣ, таҳлилҳои вазъиятӣ, ҷаласаи стратегӣ (корҳои гурӯҳӣ бо мураббиён), саёҳатҳои сайёрӣ ва ғайра.

Самтҳои асосии мавзӯии XXI Мактаби байналмиллалии Маркази тадқиқотҳои сиёсии Русия оид ба амнияти ҷаҳонӣ:

➢ Фаъолияти реҷаи паҳн накардани силоҳи ҳастаӣ;

➢ Инкишофи ҳамкории байналхалқӣ дар соҳаи атоми осоишта;

➢ Инкишофи реҷаи назорат аз болои мусаллаҳкунӣ, шакли ояндаи он ва пешгирӣ кардани мусаллаҳшавии шитобзада;

➢ Масъалаҳои киберфазо ҳамчун фазои ҷанг ва ҳамкорӣ;

➢ Таҳдидҳои инфогенӣ ва ҷангҳои пайвандӣ;

➢ Технологияҳои нав ва табдилдиҳии рақамӣ;

➢ Тамоюлҳои задухӯрдҳои мусаллаҳонаи муосир ва таҷрибаи ҳамкории фарҳангӣ – гуманитарӣ;

➢ Таҳдидҳои фаромиллӣ ба амнияти Авруосиё;

➢ Барномаи нави амнияти Аврупо;

Забони корӣ - русӣ. Ҳамчунин, баъзе баромадҳо метавонад бо забони англисӣ бошад. Иштирокчиён бояд забонҳои русӣ ва англисиро донанд.

Ба сифати лектор ва коршиносон назариячиён ва амалиячиёни ботаҷриба дар соҳаи муносибатҳои байналхалқӣ, амнияти чаҳонӣ ва авруосиёгӣ даъват карда мешаванд.

Аз рӯи анъана дар байни лекторони барнома Е. Бужинский, раиси Шӯрои Марказии тадқиқотҳои сиёсии Русия, раиси Маркази тадқиқотҳои сиёсиву ҳарбии Донишгоҳи давлатии Москва ба номи М.В. Ломоносов, генерал-лейтенант Д.Г. Евстафев, профессори факултети воситаҳои алоқа ва ороиш Г.В. Ефремов, директори ҶС «МЦОУ» А.М. Илниский, мушовири Вазири мудофиаи Федератсияи Русия В.А. Ладанов, сардори шуъбаи минтақаи ҷануби уқёнуси Ороми Вазорати корҳои хориҷии Федератсияи Русия В.В. Наумкин, профессор, академики Академияи илмҳои Русия, роҳбари илмии Институти шарқшиносии Академияи илмҳои Русия В.А. Никонов, муовини якуми раиси Кумитаи Думаи давлатӣ оид ба корҳои байналмилалӣ В.А. Орлов, директор ва муассиси Маркази тадқиқотҳои сиёсии Русия, профессори кафедраи Донишкадаи муносибатҳои байналхалқии Москваи ВКХ Русия Д.В. Поликанов, муовини раиси Россотрудничество С.А. Рябков, муовини Вазири корҳои хориҷии Русия И.А. Сафранчук, директор ва коркуни пешбарандаи илмии Маркази тадқиқотҳои Авруосиё, Институти тадқиқотҳои байналхалқии Донишкадаи муносибатҳои байналхалқии Москваи ВКХ Русия Э.А. Степанова, роҳбари гурӯҳи тадқиқоти масъалаҳои сулҳ ва низоъҳои АИР В.И. Трубников, аъзои мудирияти Институти муносибатҳои байналхалқии иқтисодии Москва А.В. Убеев, собиқ роҳбари бахши МАГАТЭ дар Намояндагии доимии ФР дар назди ташкилотҳои байналхалқии Вена, собиқ сардори шӯъбаи амнияти ядроӣ, паҳн накардани яроқи ядроӣ ва ҳамкории байналхалқӣ бо мақсади истифодаи осоиштаи энергияи атомии Департамент оид ба масъалаҳои бехатарӣ ва беяроқкунии Вазорати корҳои хориҷии Русия, аъзои Шӯрои экспертии Маркази тадқиқотҳои сиёсии Русия Е.В. Черненко, Мухбири махсуси нашриёти «Коммерсант» М.В. Якушев, аъзои Шӯрои экспертии Маркази тадқиқотҳои сиёсии Русия А.Ю. Ярних, роҳбари лоиҳаҳои стратегии лаборатория Касперский ва дигарон.

Иштирокчиён. Барои иштирок 25 нафар мутахассисони ҷавони байналмилалӣ даъват шудаанд, аз ҷумла дипломатҳо, афсарон, олимон, коршиносон, донишҷӯён, рӯзноманигорон, ходимони ҷамъиятӣ, намояндагони ташкилотҳои байналхалқӣ ва ғайра. Мактаб барои иштирокчиён аз Русия ва мамлакатҳои хориҷӣ, ки ба масъалаҳои мустаҳкам кардани амнияти ҷахонӣ ва фаъол гардонидани ҳамкории байналмилалӣ дар фазои Авруосиё таваҷҷӯҳ зоҳир мекунанд, боз аст.

Макони баргузорӣ. Мактаб дар шаҳри таърихии Русия - Звенигород баргузор мегардад. Дар наздикии шаҳр ёдгориҳои нодире, ки маданияти маънавӣ ва шӯҳрати ҷангии халқи русро таҷассум мекунанд, ҷойгиранд. Дар барномаи фарҳангии Мактаб экскурсияҳои сайёрӣ пешбинӣ шудааст.

XXI Мактаби байналмилалии Маркази тадқиқотҳои сиёсии Русия оид ба амнияти ҷаҳонӣ бо истифода аз гранти Президенти Федератсияи Русия, ки барои рушди ҷомеаи шаҳрвандӣ равона карда шуда, аз ҷониби Фонди грантҳои президентӣ пешниҳод гардидааст, инчунин бо кӯмаки грантии Фонди дастгирии дипломатияи ҷамъиятӣ ба номи А.М. Горчаков ва Фонди «Русский мир», гузаронида мешавад.

    Ташкилотчиён хароҷотҳои будубош ва хӯроки иштирокчиёни чорабиниро ба ӯҳда гирифта, иштирокдоронро бо маводҳо, адабиёт ва маъхазҳое, ки барои тайёрӣ ба Мактаб заруранд, таъмин мекунанд. Харҷи рафту омад ба Москва барои иштирокчиёни хориҷӣ аз тарафи фиристонанда пардохта мешаванд. Дар асоси дархостҳои алоҳида Марказ метавонад масъалаи пардохти харҷи рафту омади (тариқи ҳавопаймо) иштирокчиёнро аз минтақаҳои дури Русия (Сибир, Шарқи Дур) ва дигар кишварҳои ИДМ дида барояд.

    Барномаи иштирок иборат аст аз: барномаи таълимии Мактаб, маводҳои тақсимотӣ, адабиёт ва маъхазҳо барои тайёрӣ ба Мактаб, мулоқоту сайёҳатҳо, истироҳат дар ҳуҷраҳои бароҳати дунафара, се вақт хӯрок, сафар аз Москва ба Звенигород ва бозгашт, кӯмак барои гирифтани раводид (дар ҳолати зарурӣ) ва ғайра.

ШАРТҲОИ ДАРХОСТ БАРОИ ИШТИРОК ДАР XXI МАКТАБИ БАЙНАЛХАЛҚӢ ОИД БА ЧОЛИШҲОИ АМНИЯТИ ҶАҲОНӢ

    Шахсоне, ки хоҳиши иштирок дар интихоби шунавандагони XXI Мактаби байналхалқӣ оид ба масъалаҳои амнияти ҷаҳонӣ доранд, бояд:

1. Анкетаи электрониро дар истинод пур кунанд.

2. Ба ташкилотчиён ба суроғаи электронии edu@pircenter.org ҳуҷҷатҳои зеринро ирсол намоянд:

⎯ “резюме” (ҳолнома);

⎯ мактуби далеловарӣ бо забони русӣ, ки дар он ҳадафи иштирок дар барнома нишон дода мешавад;

⎯ тавсия / роҳхат ба Мактаб аз ҷониби роҳбари ташкилот ё шуъбаи он/ роҳбари илмӣ бо забони русӣ ё англисӣ.

Номзад метавонад ба таври ихтиёрӣ дигар маводҳоеро, ки ба андешаи ӯ барои беҳтар арзёбӣ кардани дархосташ мусоидат мекунанд (масалан, рӯйхати нашрияҳо), равон кунад.

Дар мавзӯи мактуб бояд “International School 2022 Application” нишон дода шавад.

3. Тавассути почтаи электронӣ аз ҷониби кумитаи ташкилии Мактаб тасдиқи қабули дархост барои баррасӣ фиристода мешавад.

   Ташкилотчиён ҳуқуқ доранд, ки номзадро ба сӯҳбат даъват кунанд (ба тариқи онлайн).

Ҳуҷҷатҳо бояд ба Елена Карнаухова, ҳамоҳангсози барномаҳои таълимии Марказии тадқиқотҳои сиёсии Русия тавассути почтаи электронии edu@pircenter.org ирсол карда шаванд.

Мӯҳлати ниҳоии қабули дархостҳо 10 -уми апрели соли 2022 аст.

Барои гирифтани маълумоти иловагӣ метавонед ба ҳамоҳангсози барномаҳои таълимии Марказии тадқиқотҳои сиёсии Русия Елена Карнаухова тавассути почтаи электронии edu@pircenter.org муроҷиат кунед.

Донишкадаи ба номи А.С. Пушкин толибилмони хориҷиро ба озмуни забони русӣ даъват мекунад