Ситоди зудамали мубориза бар зидди коронавирус хабар дод, ки Русия боз бо 3 кишвари дигар сарҳадҳои ҳавоиро мекушояд. 

Акнун тайёраҳои Русия дар қатори дигар кишварҳо боз ба Сербия, Куба ва Ҷопон низ парвоз анҷом хоҳанд дод.

Қарори мазкурро сарвазири Русия Михаил Мишустин ба имзо расонд.

Тоҷикистон бошад то имрӯз мунтазири оғози парвозҳо бо Федератсияи Русия мебошад. Зиёди шаҳрвандон дар назди нуқтаҳои фуруши чиптаҳо дар навбатҳо истода интизор мебошанд. Алҳол танҳо парвозҳои чартерӣ муҳоҷиронро ба ватан баргардонда истодааст.