Ҳукумати вилояти Суғд доир ба чораҳои пешгирии паҳншавии бемории Covid-19 корҳои фаҳмондадиҳи гузаронда истодаанд.

Мутахассисони муассисаи давлатии “Маркази ҷумҳуриявии ташаккули тарзи ҳаёти солим”-и Вазорати тандурустии Тоҷикистон бо муовини раиси вилояти Суғд Зайнура Азимӣ оиди гузаронидани мониторинг дар муассисаҳои таълимии шаҳри Хуҷанд оид ба пешгирии бемории сироятии коронавируси нави COVID-19 вохурӣ анҷом доданд.

Ҳадафи гузаронидани мониторинг дар муассисаҳои таълими шаҳри Хуҷанд пеш аз ҳама пайваста огоҳ намудани муҳассилин барои пешгирии бемории сироятии вируси корона мебошад.

Коронавируси навъи Covid-19 моҳи декабри соли 2019 дар шаҳри Ухани Хитой бори нахуст ба қайд гирифта шуд.