Нависанда Сергей Комков рӯзи 9 сентябр ба Кумитаи Нобел дар Осло ариза равон кард.

"Имрӯз ин воқеан чорумин пешбарии ман барои дарёфти ҷоизаи Нобел аст. Он 9 сентябри соли равон фиристода шуда буд ва 10 сентябр ин дархост аз ҷониби Кумитаи сулҳи Нобел дар Осло, дар қароргоҳи Кумитаи Нобел қабул карда шуд" гуфт Комков дар як нишасти хабарӣ "Дар бораи пешбарии президенти Русия Владимир Путин ба ҷоизаи сулҳи Нобел дар соли 2021".

Ба гуфтаи академик, ӯ мактуби ба қайд гирифташударо аз наздик пайгирӣ мекард. 

"Соати 15:07 ба вақти маҳаллӣ ин мактуби бақайдгирифташуда дар Осло <...> ба имзо расид ва онро яке аз котибони Кумитаи Нобел имзо кард. Пас аз ин ариза, вокуниши ошуфта аз ҷониби Амрико ба амал омад. Бегоҳирӯзӣ, пас аз соати 16:00 ба вақти маҳаллӣ , намояндаи Амрико дар Осло, <...> таъҷилан дастӣ ариза менависад ва фавран барои пешбарӣ ба ҷоизаи сулҳи Нобел аризаи худро пешниҳод мекунад - намефаҳмем, ки кадом нақши Трампро, дар ҳалли муноқишаҳо байни Аморати Муттаҳидаи Араб ва Исроил мебинанд"- гуфт нависанда.

Комков гуфт, ки қабули дархостҳо барои пешбарӣ аз моҳи сентябр оғоз ёфта, моҳи октябр ба поён мерасад. То моҳи март кумита онҳоро баррасӣ мекунад ва дар моҳҳои март-апрел ба ҳар касе, ки пешниҳодҳои худро фиристодааст, мактубҳо фиристода мешаванд, ки дар бораи қабул, баррасӣ ва ба қайд гирифтани ин ариза огоҳӣ медиҳанд. 

Мукофоти сулҳ яке аз панҷгонаест, ки дар охири асри 19 аз ҷониби як саноатчӣ ва ихтироъкори Шветсия Алфред Нобел васият шудааст. Он ба шахсе ё ташкилот барои саҳми барҷаста дар сулҳ тақдим карда мешавад.