Маркази русии вобастаи ДМТ. 14 соли ҳамкории муваффақ ва табодули фарҳангӣ

Имсол аз ифтитоҳи Маркази русии вобастаи Донишгоҳи миллии Тоҷикистон расо 14 сипарӣ шуд. Ин марказ бо пуштибонии Бунёди «Олами русӣ» фаъолият дод.

Ба гуфтаи Меҳринисо Нағзибекова, раиси Маркази русии вобастаи ДМТ, яке аз рисолати аслии ин созмон ривоҷи забони русӣ дар Тоҷикистон аст, ки барои дастёбӣ ба ин ҳадаф марказ ҳамоишҳо, мизҳои гирд, нишастҳои фарҳангиву маърифатӣ, озмунҳо, дарсҳои озодро ба муносибати солгарди шоирону нависандагони русу тоҷик бо ширкати донишомӯзон, донишҷӯён ва омӯзгорон баргузор мекунад.  

“Марказҳои русӣ барои бозтози таҳаввулоти ҷаҳони русӣ тарроҳӣ шудаанд, ки бо мушорикот дар таъриху фарҳанги Русия муттаҳид шудаанд. Ҷаҳони русӣ иборат аз миллатҳову мазҳабҳои гуногун, аз ҷумла русҳо, ҳамватанони бурунмарзӣ, намояндагони муҳоҷират ва шаҳрвандони хориҷӣ мебошанд, ки ба Русия алоқамандии содиқона доранд. Марказ дастрасии густардае ба мероси фарҳангӣ, таърихӣ ва адабии ҷаҳони русӣ, шеваҳои омӯзиши забони русӣ, идеяҳо ва барномаҳои муосири эҷодиро фароҳам меорад.

Танҳо соли гузашта ин марказ беш аз 150 маросимро бо ҳадафи ривоҷи забону фарҳанги русӣ баргузор кард. Ба муносибати Соли забони русӣ дар кишварҳои ҳамсуд ин марказ ҳамоиши илмиву амалӣ бо ҳузури беш аз 100 ширкаткунанда аз Тоҷикистон, Русия, Қазоқистон ва Узбекистон баргузор кард.

«Дар ҷаласаҳои умумӣ ва самтӣ табодули назари касбии дуҷониба дар мавриди тавсеаи илми муосири русшиносӣ сурат гирифт. Ширкаткунандагон дар ҳамоиш бар мазуъоти ҳамкориҳои байнулмилалӣ дар заминаи русшиносӣ, низоми муосири тайёр кардани бакалавриатҳои суханшиносӣ ва мушкилоти муосири диҷитолисозӣ дар системи муосири таҳсилот таваҷҷуҳ зоҳир карданд», - ёдоварӣ кард Меҳринисо Нағзибекова, раиси Маркази русии вобастаи Донишгоҳи миллии Тоҷикистон.

Дар баробари Донишгоҳи миллии Тоҷикистон Маркази русӣ дар Душанбе дар назди Донишгоҳи славянии Русиву Тоҷикистон низ фаъолият мекунад. Муассиса бо макотиб ва донишгоҳҳои кишвар ҳамкорӣ мекунад ва як системи омӯзишии хосаро ироа медиҳад, ки ба таври муассир ба омӯзиши забону фарҳанги русӣ бар асоси равишҳои пешрафта ёрмандӣ мекунад.

Тайи чанд соли гузашта бо кумаки ҳукумати Русия 5 мактаби нав бо омӯзиш ба забони русӣ дар Тоҷикистон сохта шуд. Бо ин ҳол коршиносон муътақиданд, ки ин кофӣ нест. Барои тарвиҷи муваффақонаи забони русӣ ҷазби муаллимони изофӣ ба ҷумҳурӣ ва ироаи василаҳои кумаки омӯзиш ба мактоиб зарур аст, зеро мушкилоти хосе дар ин замина мушоҳида мешавад.  

«Муаллимони забону адабиёти рус ба давраҳои коромӯзӣ, давраҳои донишафзоӣ дар Русия ниёз доранд, донишҷӯёне, ки дар бахшҳои забоншиносии русӣ таҳсил мекунанд, бояд дар Русия  таҷрибаи нутқро анҷом диҳанд. Ин ба онҳо имкон медиҳад, ки дар муҳити русӣ қарор гиранд ва дар бораи фарҳанг, суннатҳо ва гуфторҳои ғании русӣ бештар ошно шаванд”, - афзуд Меҳринисо Нағзибекова, раиси Маркази русии вобастаи Донишгоҳи миллии Тоҷикистон.

Тавре ки раиси Маркази русии вобастаи Донишгоҳи миллии Тоҷикистон таъкид кард, ривоҷи забону фарҳанги русӣ дар ҷумҳурӣ нақши асосӣ дар тақвияти равобити дуҷониба дорад. Тоҷикистону Русия дорои собиқи чандсадсола дар равобити  дӯстона ҳастанд. Ҳарду кишвар шарикони роҳбурдӣ ҳастанду дар тамоми заминаҳои ҳаёти иҷтимоъӣ ва иқтисодӣ ҳамкории наздик доранд.