Барои маблағгузории бахшҳои воқеии иқтисоди миллӣ аз ҷониби Буҷаи давлатии Тоҷикистон барои соли 2021 беш аз 8,3 миллиард сомонӣ (741,7 миллион доллар) пешбинӣ шудааст.

Тибқи иттилои Вазорати молияи ҷумҳурӣ иттилоъ доданд, барои рушди энергетика ва нақлиёт маблағгузории калони молиявӣ аз ҳисоби буҷаи давлатӣ пешбинӣ шудааст. Ба соҳаи энергетика дар соли оянда дар ҳаҷми зиёда аз 3,8 миллиард сомонӣ пешбинӣ шудааст, ки қисми зиёди он ба анҷом расидани НБО Роғун маблағгузорӣ карда мешавад. 

Дар назар аст, ки барои рушди нақлиёт ва коммуникатсия беш аз 2,2 миллиард сомонӣ ҷудо карда шавад. Маблағгузории аз ҳама кам соҳаҳои саноат ва сохтмонро интиҳор аст, ки ҳаҷми он танҳо 193,3 миллион сомонӣ (17,1 миллион доллар) -ро ташкил хоҳад дод. 

Дар маҷмӯъ, маблағгузорӣ аз ҳисоби буҷети давлатӣ барои соҳаҳои воқеии иқтисоди миллӣ 9% ММД-ро ташкил медиҳад. Маҷмӯи маҳсулоти дохилӣ (ММД) дар ҳаҷми 92,6 миллиард сомонӣ (8,1 миллиард) бо афзоиши 7,6% пешбинӣ шудааст. Ёдовар мешавем, ки даромади умумии Буҷети давлатии Ҷумҳурии Тоҷикистон дар соли 2021 беш аз 27,6 миллиард сомонӣ ҳисоб шудааст. Қисми хароҷот беш аз 28,1 миллиард сомониро ташкил хоҳад дод.