Дар Душанбе Қаҳрамонии Осиё дар риштаи велосипедронӣ дар шоҳроҳ миëни наврасон, ҷавонон, калонсолон, бонувон ва шахсони имконияташон маҳдуд баргузор мегардад. 

Ба иттилои шаҳрдорӣ, дар мавриди баргузории ин мусобиқаи байналмилалӣ қарори махсуси Рустами Эмомалӣ, Раиси шаҳри Душанбе ба тасвиб расидааст.

Гуфта мешавад, Қаҳрамонии Осиë оид ба велосипедронӣ аз 25-ум то 29-уми март дар роҳҳои шаҳри Душанбе ва шоҳроҳи Душанбе – Рӯдакӣ — Хуросон – Бохтар гузаронида мешавад ва ҳадаф аз он тарғиби ин навъи варзиш ва тарзи ҳаëти солим аст.

Бояд гуфт, ки дар рӯзҳои баргузории ҷашни Наврӯзи байналмилалӣ ҳамасола дар шаҳру навоҳии кишвар мусобиқаҳои гуногуни варзишӣ гузаронида мешаванд.

Шаҳрдорӣ қаблан иттилоъ дода буд, ки ҳамчунин аз 17-ум то 22-юми марти соли равон  дар Муассисаи давлатии «Наврӯзгоҳ»-и шаҳри Душанбе бахшида ба ҷашни байналмилалии Наврӯз мусобиқаи байналмилалӣ оид ба гӯштигирӣ миёни мардон ва бонувон барои дарёфти «Ҷоми Пойтахт» баргузор мегардад.

Сомон Маҳмадбеков ва Далер Ризозода 50 000 сомонӣ Ҷоизаи президентӣ гирифтанд