Хизматчиёни ҳарбии Русия дар пойгоҳи низомии 201 дар Тоҷикистон собиқадори Ҷанги Бузурги Ватаниро бо Рӯзи Қувваҳои Мушакӣ табрик карданд, хабар медиҳад шабакаи телевизионии МИР 24.

Рашид Каримов, ки ба синни 108 расид, дар муҳорибаи Сталинград ва штурми Берлин ширкат варзид. Ба сарбози фронт медали хотиравии "75-солагии Ғалаба", гул ва торт тақдим карда шуд. Пас аз қисми тантанавӣ, хизматчиёни ҳарбӣ-артиллерия бо сарбози фронт сӯҳбат карданд, дар бораи хидмат ва медалҳои дар ҷангҳо бадастомада пурсон шуданд.

«Барои ман шарафи олие аст, ки артиллеристи фронтро бо Рӯзи нерӯҳои мушакӣ табрик мекунам. Аз ҳама ҷолиб барои ман он аст, ки ман дар бораи рӯйдодҳои ҷанг на аз китоб, на аз телевизор фаҳмидам, балки бо як одами зинда, афсонаи зинда гуфтугӯ кардам", - гуфт Дмитрий Немечкин, фармондеҳи батареяи артиллерии пойгоҳи низомии 201.

Рашид Каримов соли 1912 таваллуд шудааст, дар муҳорибаи Сталинград, озод кардани Киев, Киров, Львов ва Кёнигсберг, озод кардани Полша ва штурми Берлин иштирок кардааст. Дар давоми ҷанг ӯ ду маротиба маҷрӯҳ шуд. Қаҳрамон бо ордени Шӯҳрат ва медалҳои гуногуни ҳарбӣ мукофотонида шудааст. Каримов рӯзи 19 ноябри соли 1945 ба деҳаи зодгоҳаш баргашт ва пас аз ҷанг ба ҳайси омӯзгор кор кард, гуфта мешавад дар паёме дар сафҳаи пойгоҳи низомии 201-и Русия дар Фейсбук.