Дар нимсолаи аввали соли 2024 Русия дар ҳаҷми умумии сармоягузорӣ ба иқтисоди Тоҷикистон ба маблағи ҳудуди 714 миллион доллар мақоми аввалро касб кард.

Дар ин бора Султон Раҳимзода, раиси Кумитаи сармоягузорӣ ва идораи амволи давлатии Тоҷикистон ахиран дар нишасти хабарӣ иттилоъ дод.

«Дар нимсолаи аввали соли 2024 Русия дар ҷои аввал қарор дорад, ҳаҷми сармоягузории ширкатҳои русӣ ба иқтисоди Тоҷикистон 713,9 миллион долларро ташкил медиҳад. Аз рӯи ҳаҷми умумӣ Русия дар ҷои аввал аст», - гуфт Раҳимзода.

Ба гуфтаи вай, аз ҷиҳати сармоягузории мустақим бошад Русия, ки ҳамагӣ 14,3 миллион доллар сармоягузорӣ кардааст, пас аз Чин ва ИМА дар ҷои сеюм қарор дорад.

Тибқи иттилои ин ниҳод, дар маҷмуъ, воридоти сармояи хориҷӣ ба иқтисоди Тоҷикистон дар қиёс ба нимсолаи аввали соли гузашта 45,9 дарсад афзоиш ёфта, ба 1,95 миллиард доллар расид. Сармоягузории мустақим ба иқтисоди Тоҷикистон бошад дар ин муддат 12,6 дарсад афзуда, ба 153,9 миллион доллар расид.

Дар телеграм моро пайгирӣ кунед!
https://t.me/halvaTJnews