Президенти Қазоқистон иддао дорад, ки дар тазоҳуроти ахир дар ин кишвар ҷангҷӯён аз Афғонистон, Осиёи Марказӣ ва кишварҳои Ховари Миёна ширкат кардаанд. Вай "шӯриш"-и ахири кишварашро "ҳамлаи террористӣ" номид.

Бино ба изҳороте, ки дар сомонаи раисиҷумҳури Қазоқистон нашр шуд, Қосим-Жомарт Тоқаев дар ин бора дар мусоҳиба бо Чарлз Мишел, раиси Шӯрои Аврупо изҳори назар кардааст. Музокирот рӯзи душанбеи 10-уми январ сурат гирифт ва ҷонибҳо вазъи кунунии дохилии Қазоқистонро баррасӣ карданд.

Давлати таҳти раҳбарии Толибон* то ҳол дар бораи иддаои раисҷумҳури Қазоқистон чизе нагуфтааст. Толибон ба муколама ва ҳалли мусолиматомез миёни ҳукумат ва эътирозгарони қазоқ даъват карданд.

"Ман шӯбҳа надорам, ки ин як ҳамлаи террористӣ буд", - гуфт раисиҷумҳури Қазоқистон.

Вай иддао кард, ки тазоҳуроти ахир амали таҷовузи муташаккил ва омодашуда алайҳи Қазоқистон бо ширкати нерӯҳои хориҷӣ" аст.

*Толибон – ҳаракати террористии фаъолияташ мамнӯъ дар Тоҷикистон ва дигар кишварҳои ҷаҳон

Тоқаев аз ширкати ҷангҷӯёни афғон дар ошӯбҳои Қазоқистон хабар дод