Ҷумҳурии Тоҷикистон бо Ҷумҳурии Мардумии Чин дар бораи ворид намудани ваксинаи «CoronaVac» ба сифати кӯмаки башардӯстона ба созиш расид.

Имрӯз сардори Раёсати амнияти санитарию эпидемиологӣ,  ҳолатҳои фавқулода ва кӯмаки фаврии тиббии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Наврӯз Ҷафаров гуфтааст, ки Чин ба Тоҷикистон ваксинаи «CoronaVac» медиҳад.

Ба зикри номбурда ҳаҷми ваксинаҳое, ки ба Тоҷикистон оварда мешаванд, 300 ҳазор воя буда, барои фарогирии 150 ҳазор нафар дар ду давра пешбинӣ шудааст.

“Ҳоло масъалаҳои техникӣ, шароити ҳамлу нақл ва таҳвили «CoronaVac» ба Тоҷикистон мавриди баррасӣ қарор дорад”,- гуфт Наврӯз Ҷафаров.

Ба гуфтаи ӯ,  нақшаи дастрас кардани ваксинаи истеҳсоли Ҷумҳурии Ҳиндустон бино ба вазъи эпидемиологии баамаломада тағйир ёфта, Созмони Умумиҷаҳонии Тандурустӣ ҳоло бо дигар истеҳсолкунандагон барои ҳалли ин масъала гуфтушунидҳои иловагиро роҳандозӣ намудааст.

«Аз 23-уми март то имрӯз дар Тоҷикистон беш аз 80 ҳазор нафар бар зидди бемории  COVID-19 ваксинатсия шуда, раванди он тибқи нақшаи қаблан тасдиқшуда идома дорад. Ҳоло дар имунизатсия аз ваксинаи «AstraZeneca» истифода мешавад. Бо назардошти миқдори мавҷудбудаи 192 ҳазор вояи ваксина Вазорати тандурустӣ ва ҳифзи иҷтимоии аҳолии мамлакат қарор дод, ки ин миқдор ваксинаро барои ду давра истифода барад»,- илова кард сардори Раёсати амнияти санитарию эпидемиологӣ,  ҳолатҳои фавқулода ва кӯмаки фаврию тиббӣ.

Дар мавриди гирифтани  ваксинаи  «Спутник V» Н. Ҷафаров гуфт, ки Хадамоти давлатии назорати тандурустӣ ва ҳифзи иҷтимоии Вазорати тандурустӣ ва ҳифзи иҷтимоии аҳолии мамлакат бо истеҳсолкунандаи ваксина ҳамкории зич дошта,  масъалаи экспертизаи техникии ҳуҷҷатҳои ваксинаро барои бақайдгирии минбаъда, додани иҷозатномаҳо барои воридот ва истифодаи он  дар Тоҷикистон  мавриди баррасӣ қарор дорад.

Таҳвили ваксинаи «Спутник V» ба Тоҷикистон ва гуфтушунид доир ба он