11 апрел дар Тоҷикистон давраи интихоби довталабон барои таҳсил дар донишгоҳҳои Русия ба поён расид, хабар медиҳад Россотрудничество. 

Дар санҷишҳои тахассусӣ хатмкунандагони мактабҳои миёна, литсейҳо ва гимназияҳои панҷ шаҳри кишвар ширкат варзиданд. Имтиҳонҳо аз 10 то 19 март идома ёфта, аввалин санҷишҳо дар Хоруғ, сипас дар Хуҷанд, вилояти Хатлон ва Душанбе баргузор шуданд. 

Санҷишҳо дар се кластер гузаронида шуданд: ихтисосҳои техникӣ, ихтисосҳои тиббӣ, инчунин ихтисосҳои гуманитарӣ, иқтисод ва фарҳанг. Онҳое, ки аз рӯи натиҷаҳои кори хаттӣ (холҳои гузариш) миқдори кофии холҳоро ба даст оварданд, ба мусоҳиба даъват карда шуданд (давраи дуюм). 

Дар давоми ду рӯз тақрибан ҳазор довталаб аз Душанбе, Бохтар, Кӯлоб ва Хоруғ мусоҳиба карданд. Мулоқотҳо бо баъзе довталабон аз сабаби дур будани марказ аз тариқи онлайн баргузор гардид. 

Аъзоёни комиссия сатҳи тайёрии довталабон, сатҳи ҳавасмандии онҳоро муайян карда, бо дастовардҳои довталабон шинос шуданд. 

Роҳбари Хонаҳои Русия дар Тоҷикистон Иван Иванов қайд кард, ки таваҷҷӯҳ ба таҳсилоти русӣ дар байни хатмкунандагони мактабҳо имсол бештар аст, шумораи довталабон дар ҳама соҳаҳо 15-20% афзудааст. 

"Дар Душанбе беш аз 900 нафар ба самти дараҷаи бакалавр ва тақрибан ҳазор нафар дар самтҳои магистратура, ординатура ва аспирантура ба даври дуввум роҳ ёфтанд. Интихобот хеле душвор буд, зеро аксари бачаҳо бо сатҳи муносиб дониш ва мо қавитаринҳоро интихоб кардем ", - илова кард Иванов. 

Тоҷикистон инчунин дар байни дигар кишварҳо аз рӯи шумораи ҳуҷҷатҳо барои дохилшавӣ ба донишгоҳҳои Русия ҷои пешсаф буданд. 

"Зиёда аз панҷ ҳазор ҷавонон хоҳиши гирифтани маълумоти олӣ дар Федератсияи Русияро карданд", - таъкид дошт Консули генералии Федератсияи Русия дар Хуҷент Андрей Варламов. 

Маълумотҳои ниҳоӣ бо холҳои ҷамъбастшуда барои ҳарду давр дар нимаи дуюми апрел дар сайтҳои Хонаҳои Русия (МИФР) дар Душанбе ва Хуҷанд ҷойгир карда мешавад.