Хабарҳои асосӣ дар Тоҷикистон
Сафари Раҷаббой Аҳмадзода ба шаҳри Фарғонаи Ҷумҳурии Ӯзбекистон
Нашр шуд
Ҳайати расмии вилояти Суғди Ҷумҳурии Тоҷикистон бо роҳбарии Раиси вилояти Суғд Раҷаббой Аҳмадзода ба шаҳри Фарғонаи Ҷумҳурии Ӯзбекистон сафар намуд.
Сабаби сафари мазкурро Хадамоти матбуоти Раиси вилояти Суғд иштирок дар бизнес-форуми "Интегратсияи минтақаҳои наздисарҳадӣ кафолати рушд аст" арзёбӣ кардааст.
Гуфта мешавад, ки ҳайати вилояти Суғд дар бизнес-форуми минтақавӣ ширкат варзида, масъалаҳои марбут ба рушди минтақаҳои наздисарҳадиро якҷо бо ҳайатҳои расмии вилояти Фарғона ва Ботканди Ҷумҳурии Қирғизистон баррасӣ хоҳад кард.
Ҳамчунин дар ин сафар роҳбари вилоятро раисони навоҳии наздисарҳадӣ, масъулини соҳаҳои дахлдор ҳамроҳӣ мекунанд.
Хабарҳои ҷолибтарин дар телеграмм-канали Halva.tj
Маводи зиёдтарро дар гурӯҳи фейсбукии Halva.tj ва саҳифаи мо дар Instagram дарёфт намоед
