Ru  | Tj
Набудани қонунгузории мукаммал дар Тоҷикистон ҳаёти маъюбонро душвор месозад
Набудани қонунгузории мукаммал дар Тоҷикистон ҳаёти маъюбонро душвор месозад

Набудани қонунгузории мукаммал дар Тоҷикистон ҳаёти маъюбонро душвор месозад

Нашр шуд

Сатҳи одамони дорои маъюбият аз шумори умумии аҳолии Тоҷикистон 1,7%-ро ташкил медиҳад, ки дар қиёс бо кишварҳои ҳамсоя нисбатан пасттар аст. Дар ин бора дар таҳқиқоти ТВ “Маркази рушди инноватсионӣ” хабар дода мешавад.

Шумори аҳолии Тоҷикистон ба аввали соли равон зиёда аз 9,3 млн нафарро ташкил дода, теъдоди одамони маъюб дар кишвар бо назардошти маълумоти дар таҳқиқот овардашуда ҳудуди 160 ҳазор нафарро ташкил медиҳад. Муаллифони таҳқиқот таъкид месозанд, ки сатҳи маъюбият аз шумори умумии аҳолӣ дар Қирғизистон ба 2,9%, Қазоқистон - 3,7% ва Русия - ба 8,2% баробар аст.

Гуфта мешавад, на ҳамаи маъбон корношояманд, аммо ба савол дар бораи аз ҷониби онҳо истифода шудани квотаҳои марказҳои таъмини шуғли маъбон, посухҳои мусбат кам будааст.

“Чунин ба назар мерасад, ки ин квотаҳо барои онҳо муносиб нестанд, зеро мувофиқи квотаҳо, кори маошаш пасту аз хона дур, шароити номуносиб пешниҳод мешавад. Бисёре аз пурсидашудагон дар бораи мавҷуд будани чунин квотаҳо чизе намедонистанд ё бар ин назар буданд, ки ба ин квотаҳо зарурат надоранд”, - қайд мешавад дар таҳқиқот.

Таҳқиқот чунин сабабҳоро аз ҷумлаи мушкилоти бо шуғл фаро гирифтани маъюбон арзёбӣ кардааст: мавҷуд набудани ҷойҳои кории кофӣ, надоштани тахассуси зарурӣ, рақобатпазирии нокофии корҷӯён дар бозор, хоҳиш надоштани маъюбонро ба кор қабул кардан.


Муаллифони таҳқиқот зикр мекунанд, ки дар ҷумҳурӣ як қатор санадҳои қонунгузорӣ амал мекунанд, ки метавонанд нисбат ба шахсони маъюб истифода бурда шаванд.

“Аммо қонунгузории дахлдор то ҳол ба қисматҳо ҷудо шуда, санади мукаммали миллӣ, ки ба сифати нуқтаи ҳисоб барои хизматрасонӣ аз рӯйи маъбият истифода бурда шавад, вуҷуд надорад”, - таъкид мешавад дар таҳқиқот.

Ба ақидаи муаллифони таҳқиқот, боз як мушкилот риоя нашудани қонунҳои мавҷуда мебошад.


“Ҳарчанд дар қонунгузории миллӣ ҳимоя аз ҳуқуқу озодиҳои маъюбон пешбинӣ шуда бошад ҳам, на ҳамеша онҳо дар амал истифода мешаванд. Ба ин тариқ, аксари чунин шахсон дарвоқеъ ба кумаки тиббӣ, маориф, хизматрасониҳои иҷтимоӣ, шуғл ва баробарӣ дастрасӣ надоранд”, - омадааст дар таҳқиқот.

Қобили зикр аст, ки таҳқиқот пурсидани назари 823 нафар шахсони маъюб - 51,6% мардон ва 48,4% - занонро фаро гирифтааст. 

Манбаъ: https://asiaplustj.info/tj/news/tajikistan/society/20200901/taiot-nabudani-onunguzorii-mukammal-dar-toikiston-ayoti-mayubonro-dushvor-mesozad



Мы используем файлы cookie в соответствии с «Уведомлением об использовании файлов cookie». При использовании файлов cookie может осуществляться обработка ваших персональных данных. Подробные сведения об использовании файлов cookie и блокировке файлов cookie в настройках браузера см. в «Уведомлении об использовании файлов cookie» здесь. Если вы даете свое согласие на использование файлов cookie и обработку ваших персональных данных в соответствии с «Уведомлением об использовании файлов cookie», нажмите «Принимаю». Внимание! Если вы заблокируете файлы cookie, необходимые для корректной работы сайта, это может привести к его неработоспособности.