Дармон барои ҳазор беморӣ

Гиёҳи ҳазориспанд - дармони муъҷизаосо барои ҳазор беморӣ аст. Он зиёда аз даҳ ном дорад. Сокинони Тоҷикистон муътақиданд, ки ин гиёҳ метавонад на танҳо бемориҳои мухталифро дармон бахшад, балки арвоҳи шайтониро низ метарсонад, дар баробари ин аз чашми бад муҳофизат мекунад ва бахт меорад. Аксар вакт хонаҳоро бо он дуд медиҳанд ва аз он ҷӯшонданиҳои мухталифро тайёр мекунанд. Муҳимтар аз ҳама донистани вояи он аст, мегӯянд коршиносон. Ин гиёҳ метавонад дармон бахшад ё бикушад.

Хусусиятҳои шифобахши ҳазориспанд

Тибби ғайрианъанавии Тоҷикистон “хазориспанд”-ро ба унвони як гиёҳи мунҳасир ба фард табақабандӣ мекунад. Он дорои стероидҳо, равғанҳои чарб, сафедаҳо, алкалоидҳо, кислотаҳои органикӣ, сапонинҳо ва каротиноидҳо мебошад. Барои бемориҳои асабӣ, гурдаҳо ва пародонтоз, ҷӯшонидаи «ҳазориспанд»-ро бинӯшед. Аз донаҳои ин гиёҳ барои табобати бемориҳои меъдаю рӯда ва гелминтоз истифода мебаранд. Дуди он инсонро ором мекунад ва боиси хоби сареҳ мешавад. Дар сурати ибтило бо ревматизм, аллергия ё бемориҳои пӯст бо ҷӯшонидаи он истеъмол бояд кард. Дар ин маврид донистани вояи он муҳим аст. Масалан, ба 5 литр об 50 грамм гиёҳро илова кардан зарур аст. Гиёҳи мӯъҷизаосо ҳамчунин дар баробари эътиёд ба нӯшокиҳои спиртӣ ва никотин кӯмак мекунад.

Дуд додани гиёҳ ҳангоми ҳомиладорӣ мамнуъ аст. Бо миқдори зиёд зан метавонад фарзанди худро аз даст диҳад.

Дар бозорҳо ва кӯчаҳои шаҳр аксар вақт метавонед мардонеро бо табақчаҳои хурди дуддор вохӯрд, ки мошинҳо, утоқҳо ва одамонро дуд медиҳанд. Сокинон дар сурати тамоил метавонанд ҳазинаи ин маросимро бипардозанд. Бисёр аз мардумон бар ин боваранд, ки ин дуд ба онҳо хушбахтӣ меорад.

Сокинон хонаҳо ва маҳалли кор, тоҷирон пешхони худро дуд карда, даст ба тилисм ва дуо мебаранд.

Назаре ба таърих

Барои аввалин бор “ҳазориспанд” дар маҷмӯаи мутуни муқаддаси зардуштиён – «Авесто» дар асрҳои VII-V пеш аз милод зикр шудааст. Ҳатто дар он замон, афроди бо ин гиёҳи муъҷмзаосо дуд мекарданд. Худи Ибни Сино бемориҳои чашм, буғумҳо, испурч, бавосир, шамолхӯрӣ ва бемориҳои пӯстро табобат мекард. Он дар давраи фарогирии оммавӣ дуд карда шуд.

Алафи ҳазориспанд - муҳофиз аз вирусҳо

Ба қавли Михаил Фаворов, эпидемиолог ва муовини роҳбари генералии Пажӯҳишгоҳи байналмилалии ваксинаҳои СММ, ин гиёҳ аз вирусҳо муҳофизат мекунад. Худи Ибни Сино ҳамчунин тавсия додааст, ки биноҳоро бо гиёҳи ҳазориспанд барои муҳофизат аз ҳама бемориҳо дуд кунанд.

Дарвоқеъ яке аз роиҷтарин равишҳои мубориза бо вирусҳо «хазориспанд» мебошад. Дар фасли зимистон сокинон хонаҳои худро тақрибан ҳамарӯза бо ин гиёҳ дуд меандозанд. Ҳар як хонавода миқдори зиёди ин гиёҳро захира дорад.

Дар маркази илмӣ – таҳқиқотии доруии Душанбе хусусиятхои фоидабахши «хазориспанд» торафт бештар кашф карда мешаванд. Дар ин ҷо ба истеҳсоли халтаҳои чой ва аз руи гиёх тайёр кардани нӯшобаи онро  шуруъ карданд, ки таъсири зидди илтиҳобӣ ва антисептикӣ доранд.

Чандин минтақаи иқлимӣ дар Тоҷикистон мавҷуданд, ки боиси рӯидани ин гиёҳ дар тӯли сол шуда, ҷамъоварии доимии он тамоми фасли сол идома дорад. Барои ҷамъоварии ин гиёҳи шифобахш сокинон ба кӯҳҳои баланд ва минтақаҳои дурдаст равон мешаванд. Беш аз 3000 гиёҳи доруӣ дар ҷумҳурӣ мерӯянд, ки як ҳазори онҳо ба тибби мардумӣ ошно аст.

Тоҷикистон дорои ҳавои тоза, замини ҳосилхез, оби соф аст, аз ин рӯ гиёҳое, ки дар ин ҷо мерӯянд, аз лиҳози зистмуҳитӣ тоза мебошанд. Онҳо аз макро ва микроэлементҳо, элементҳои химиявӣ, моддаҳои фаъоли биологӣ, каротин, пектинҳо, флавоноидҳо, кислотаҳои органикӣ ва равғанҳо бой мебошанд. Аз ин рӯ, агар шумо ба Тоҷикистони офтобӣ биёед, ҳатман гиёҳҳои гуногуни мӯъҷизаосоро дастрас кунед.